Chapter 6 - Boundaries

PAGKATAPOS ng hapunan ay sabay nang bumalik sa unit sina Laura at Elma.

“Ma’am, mauuna na ‘kong magpahinga,” saad ng huli.

Tumango si Laura. “Hihintayin ko na lang na dumating sila Katherine.”

Pagkatapos ay naglakad na patungo sa silid si Elma. Nang siya na lamang ang naroon ay naupo muna siya sa sofa at mamaya na lamang maliligo pagdating ng mga ito.

Makalipas ang ilang minuto ay tumutunog na ang passcode sa pinto hanggang sa pumasok na nga si Katherine, kasunod nito si Cain na buhat ang bata.

“Kumain na kayo?” tanong ni Katherine, may bitbit na supot. “Nag-take out nga pala kami, in case na gutumin kayo.”

“Katatapos lang din namin, si ate Elma ay nagpahinga na sa kwarto niya.”

Naglakad naman patungo si Cain sa kwarto para mailapag sa kama ang natutulog na si Shannon.

Sumunod naman si Laura dahil nasa kusina si Katherine, walang titingin. Medyo hesitant pa rin siyang kilalanin si Cain dahil nga sa past ng dalawa. Pero nakikita naman niyang nag-e-effort kaya kahit papaano ay casual an