CHAPTER 7

CHAPTER 7

FLASHBACK……

Abalang abala noon si Lucas sa mga papeles na nasa kanyang lamesa ng biglang dumating ang kanyang matalik na kaibigan na si Timothy na mainit ang ulo ng mga oras na iyon.

“Ano na naman ang dahilan ng pag init nyang ulo mo?” seryoso na tanong ni Lucas kay Timothy.

Huminga naman ng malalim su Timothy at saglit pa niyang ipinikit ang kanyang mga mata para pakalmahin ang kanyang sarili dahil sa totoo lang ay sobrang galit na galit siya ng mga oras na iyon. At nang magmulat na muli siya ng kanyang mga mata ay seryoso siyang napatitig kay Lucas.

“Lucas, alam ko na hindi nagkakalayo ang edad natin at sa edad mo na iyan ay wala ka pa ring asawa. Umamin ka nga sa akin… may balak ka pa bang mag asawa? May girlfriend ka ba ngayon?” sunod sunod na tanong ni Timothy kay Lucas.

Napakunot naman ang noo ni Lucas dahil sa tanong na iyon ng kanyang kaibigan at napapailing  na lang talaga siya dahil pati siya ay nakita nito.

“Tsk. Ano bang klaseng tanong yan? Bakit sa akin napunta ang usapan na ito?” sagot ni Lucas at muli na siyang tumingin sa mga papeles na nasa harapan niya. 

“Sagutin mo ang tanong ko Lucas Infante. May balak ka pa ba na mag asawa?” tanong pa muli ni Timothy sa kanyang kaibigan.

“Alam mo Timothy masyado akong abala sa kumpanya ko kaya hindi ko na naiisip pa ang bagay na yan. At isa pa kung mahahanap ko man ang babaeng gusto kong makasama habambuhay ay pakakasalan ko na kaagad iyon at hindi na ako magpapatumpik tumpik pa,” sagot ni Lucas. “Teka nga… bakit mo ba natanong ang bagay na yan? Ano naman ang kinalaman ko r’yan sa init ng ulo mi?” tanong pa niya.

Bigla naman humulma ang nakakalokong ngiti sa labi ni Timothy dahil may bigla siyang naisip na paraan para masolusyonan kahit papano ang kanyang problema.

“Pwede ba akong humingi ng pabor sa’yo?” tanong ni Timothy kay Lucas.

“Pabor? Ano na namang pabor yan?” balik tanong ni Lucas sa kanyang kaibigan dahil bigla siyang kinabahan sa hihingin nitong pabor.

Umayos naman ng kanyang pagkakaupo si Timothy at saka siya muling sumeryoso.

“Alam naman natin na nasa tamang edad ka na ng pag aasawa at alam ko rin na mapagkakatiwalaan kang tao. Kaya naman gusto ko sana na pakasalan mo ang anak kong si Athena,” deretsahan naman na sgaot ni Timothy kay Lucas.

Nagulat naman si Lucas sa sinabi na iyon ni Timothy at talagamg natawa na lang din siya dahil doon.

“Seryoso ako, Lucas. Gusto ko na pakasalan mo si Athena,” sabi pa muli ni Timothy dahil baka ang akala ni Lucas ay nagbibido lamang siya.

Bigla namang natigilan sa pagtawa si Lucas at bigla rin siyang napaseryoso ng mukha.

“Nagbibiro ka ba? Alam mo kung gaano kalayo ang agwat ng edad namin ng anak mo tapos gusto mo na pakasalan ko si Athena? Nahihibang ka na ba talaga? At isa pa mabuti kung mapapayag mo yun na magpakasal sa akin,” sagot ni Lucas kay Timothy.

Isang malalim na buntong hininga naman ang pinakawalan ni Timothy at saka siya muling seryosong tumingin kay Lucas.

“Naiintindihan ko naman ang gusto mong sabihin Lucas. Pero… w-wala na akong ibang maisip na paraan para mapatino ang anak ko. Alam ko na kasalanan ko kung bakit siya nagkakaganyan ngayon dahil masyado ko siyang naspoiled noon kaya naman umiisip na ako ng paraan para mapatino ang anak ko at ikaw… ikaw ang nakikita kong solusyon sa problema kong ito dahil sigurado naman ako na kung papayag ka na magpakasal sa anak ko ay hindi mo siya pababayaan. At kung iniisip mo naman ay baka hindi pumayag si Athena ay ako na ang bahala tungkol sa bagay na iyon at sigurado naman ako na mapapayag ko siya sa nais kong mangyari,” sagot ni Timothy.

“Tsk. Alam mo Timothy hindi biro yang gusto mong mangyari kaya pag isipan mo ang bagay na yan. At isa pa bata pa ang anak mo kaya bakit mo siya ipapakasal kaagad?” sagot ni Lucas dahil hindi talaga siya makapaniwala sa hinihiling na iyon ng kanyang kaibigan.

“Alam ko naman na masyado pang bata ang anak ko pero ayoko naman na pabayaan na lang siya sa kanyang ginagawa dahil mapapariwara lang lalo siya. Kaya mas mabuti pa na solusyonan ko na kaagad ang problema ko na ito kesa baman lumala pa at baka kung ano pa ang mangyari kay Athena,” pagpapaliwanag ni Timothy kay Lucas.

“Ano ba kasi ang nangyari? Bakit ba ganyan kainit yang ulo mo at kailangan pang dumating sa puntong gusto mo siyang ipakasal sa akin?” hindi na napigilan na tanong ni Lucas dito.

“Siguro naman ay alam mo na masyado ng pasaway si Athena ngayon lalo na noong tumuntong siya ng 18. Pinagpasensyahan ko na lamang siya dahil alam ko na sa ganoong edad ay gusto lang niyang i-enjoy ang pagiging ganap na dalaga niya. Pero nito lang ay napapadalas na talaga ang paglabas labas niya ng gabi at umuuwing lasing. At kagabi lang nakita ko siya sa isang bar habang may kahalikan na lalaki. Bilang isang ama ay hindi ko na talaga kaya pa na makita sa ganoong sitwasyon ang aking anak kaya naman siguro mas makabubuti kung ako na ang hahanap ng mapapangasawa niya para naman hindi siya mapariwara. Mahal ko ang anak ko at alam mo yan kaya ayaw ko siyang mapahamak. Ayoko sana siyang diktahan sa buhay niya pero sa nakikita ko na ginagawa niya ay kailangan ko ng kumilos para mapabuti siya dahil kung hindi ako kikilos ngayon ay baka mabuntis na lang siya ng kung sino sino r’yan,” pagkukwento na ni Timothy kay Lucas ng mga nangyari kaya siya nagkakaganoon ngayon.

Saglit naman na napaisip si Lucas sa sinabi na iyon ni Timothy at base nga sa mga sinabi nito ay kahit naman siguro siya ang nasa katayuan nito ngayon ay baka ganoon na rin ang gagawin niya kesa mapahamak ang kanyang anak. Pero bigla niyang naisip na mabuti kung matatanggap siya ni Athena gayong halos kaedad lamang niya ang ama nito.