CHAPTER 4

CHAPTER 4

Matapos ang mahaba habang pakiusapan na iyon sa pagitan ni Athena at ng kanyang magulang  ay hindi pa rin talaga nanalo si Athena at nasunod pa rin talaga ang kanyang ama kaya naman wala na siyang nagawa pa ng isakay na sa sasakyan ni Lucas ang kanyang mga gamit. 

Bagsak ang balikat na sumakay muli si Athena sa sasakayan ni Lucas at talagang hindi na niya napigilan ang maiyak pagkasakay niya roon. Pakiramdam kasi niya ay hindi siya mahal ng kanyang mga magulang kaya ipinakasal na lamang siya ng mga ito kay Lucas kahit na hindi naman niya ito nobyo.

Samantala naaawa naman na tinitigan ni Lucas ang kanyang asawa at napabuntong hininga na lamang talaga siya dahil naiintindihan naman niya kung bakit ito nagkakaganito ngayon kaya naman hinayaan na lamang niya ito na umiyak at agad na rin niyang pinaandar ang kanyang sasakyan.

Nakatanaw lamang naman sila Timothy at Antonette sa papaalis na sasakyan ni Lucas kung nasaan ang kanilang anak. At hindi nga maiwasan ni Antonette na maawa sa kanyang anak dahil alam niya na napipilitan lamang ito na sundin ang ama nito.

“Sa tingin mo ba ay tama ang desisyon natin na ipakasal si Athena kay Lucas? Hindi ba masyado naman yata tayong nagmadali at baka nabibigla lang din tayo? Hindi ka ba naaawa sa anak natin?” hindi na napigilan na tanong ni Antonette sa kanyang asawa dahil kanina pa talaga siya naaawa kay Athena kaya nanahimik lang talaga siya habang nakatingin sa kanilang anak.

Bumuntong hininga naman si Timothy at saka siya tumingin sa kanyang asawa. Naiintindihan naman niya ang pinupunto nito pero ayaw lang din niya na mapariwara nga ang kanilang anak kaya niya ginawa ang bagay na yun.

“Kilalang kilala ko na si Lucas at alam ko na magiging maayos ang buhay ng anak natin sa kanya. Kahit naman ako ay naaawa sa anak natin pero kailangan natin siyang tiisin sa ngayon kesa naman mapunta siya sa kung sino sino lang na lalaki riyan lalo na at hindi natin alam kung sino ba ang nakakasalamuha niya kapag umaalis siya ng bahay. Atleast kay Lucas ay sigurado tayo na magiging maayos ang buhay niya at maakasisiguro rin tayo na hindi siya pababayaan nito,” sagot ni Timothy sa kanyang asawa.

Muli namang napabuntong hininga si Antonette dahil sa sinabi na iyon ng kanyang asawa dahil may punto rin naman nga ito dahil nagiging pasaway na talaga si Athena nitong mga nakakaraan kaya wala silang choice kundi ang ihanap ito ng matinong mapapangasawa at ang napili nga nila ay walang iba kundi si Lucas na matalik na kaibigan ni Timothy.

“Sana lang talaga ay tama ang desisyon natin na ito. Mabait naman talaga si Lucas at may tiwala rin ako sa kanya pero sa tingin mo ba ay matatagalan niya ang ating anak? Kilala natin ang anak natin at talagang nagiging pasaway na siya nitong mga nakaraan. Sana lang talaga ay hindi maubos ang pasensya ni Lucas sa anak natin dahil kung nagkataon ay baka ibalik din niya sa atin si Athena at baka masira pa ang pagkakaibigan ninyong dalawa,” sabi pa ni Antonette.

“Wag kang mag alala dahil kilalang kilala ko na iyang si Lucas. Sobrang haba ng pasensya ng tao na yan at sa tingin ko naman ay makakayanan niya ang ugali ng ating anak. Sana lang din ay mapasunod niya si Athena at mapatino niya ito. At ang tungkol naman sa pagkakaibigan namin ay wala namang magbabago roon magsama man sila o hindi ni Athena dahil kung tutuusin ay dapat pa nga akong magpasalamat sa kanya dahil pinagbigyan niya ako sa nais kong mangyari,” sagot ni Timothy sa kanyang asawa at saka niya ito inakbayan. “Ang mabuti pa ay pumasok na tayo sa loob. Hayaan mo muna ang anak natin dahil mag aadjust pa talaga siya ngayon dahil nasanay siya na palagi tayong kasama. Darating din ang araw na masasanay siya na kasama niya ang kanyang asawa,” pagpapatuloy pa niya at saka niya inakay papasok ng mansyon ang kanyang asawa.

Hindi naman na nagsalita pa si Antonette at pumasok na lang silang mag asawa sa loob ng mansyon. Kahit naman siya ay maninibago rin dahil sa nasanay din siya na palaging naroon si Athena. Pero kailangan na rin niyang masanay ngayon na wala ito roon. Umaasa na lang din talaga siya na sana ay maging mabait ang kanyang anak sa asawa nito dahil minsan talaga ay may pagkasutil si Athena.

****************

Samantala naman pagkarating nila Lucas sa kanyang mansyon ay hindi na muna sila kaagad bumaba ni Athena sa sasakyan. Nakabibinging katahimikan din ang namayani sa kanilang dalawa at hinayaan din muna talaga ni Lucas na kumalma ang kanyang asawa.

Nang mapansin ni Lucas na tumigil na si Athena sa pag iyak ay tumikhim naman siya bago niya ito muling tiningnan.

“Ayos ka na ba?” hindi na napigilan na tanong ni Lucas kay Athena.

“Tingin mo ba maayos pa ako ng lagay kong ito? Tsk. Para akong pinamigay ng magulang ko sa’yo ng basta na lang. Ni hindi man lang nila ako pinakinggan na ayaw kong tumira kasama ka. At ni hindi man lang nila ako inintindi dahil kailangan ko pang mag adjust dahil wala naman talaga tayong relasyon pero ipinakasal nila ako sa’yo. Napakahirap kaya ng lagay ko na ipinakasal ako sa’yo pagkatapos ay patitirahin pa nila kaagad ako kasama ka,” naluluha pa na sagot ni Athena kay LUcas.

Napabuntong hininga naman si Lucas dahil sa sinabi na iyon ni Athena. Naiintindihan naman kasi talaga niya ito pero hindi naman din niya pwedeng hayaan na masunod na lang ito palagi lalo na ngayon na mag asawa na sila.

“Ang mabuti pa ay magpahinga ka na muna sa loob. Alam ko naman na pagod ka na rin at alam ko rin na masama pa ang loob mo. Kapag maayos na ang pakiramdam mo at nakakahinga hinga ka na sa sama ng loob mo na iyan ay saka na lamang tayo mag usap ng masinsinan sa magiging set up nating dalawa. Mahirap kasi na mag usap tayo ngayon dahil masama pa yang loob mo at baka hindi ka lang magpatalo sa akin. Kaya kailangan na kalmado ka na muna para magakaintindihan tayong dalawa ng maayos,” sagot naman ni Lucas at saka siya bumaba ng kanyang sasakyan. 

Nasundan naman ng tingin ni Athena si Lucas ng bumaba ito ng sasakyan. Ang akala pa nga niya ay iiwan na lang siya nito roon pero laking tuwa rin naman niya ng pagbuksan siya nito ng pinto ng kotse at saka siya nito inalalayan na makababa ng sasakyan.

Pagkapasok nila sa loob ng mansyon ay agad naman na naigala ni Athena ang kanyang paningin sa loob ng mansyon. Kung ikukumpara kasi ito sa mansyon nila ay di hamak na mas malaki nga ito roon kaya naman hindi rin niya maiwasan na mamangha sa kanyang nakikita dahil napaka elegante talagang tingnan ng mansyon nito.

Ngayon pa lang kasi siya nakapunta sa mansyon ni Lucas dahil kahit na matalik itong kaibigan ng kanyang ama ay hindi naman siya nasama sa kanyang mga magulang sa tuwing pumupunta ang mga ito roon  dahil madalas nga ay nasa mga kaibigan niya siya at nagliliwaliw.