CHAPTER 5

CHAPTER 5

Nauna naman ng pumasok sa loob ng mansyon si LUcas at nakasunod lamang naman sa kanya si Athena habang ang mga gamit nito ay pinakuha na lamang niya sa kanyang mga kasambahay.

Napansin naman ni Lucas na iginagala pa ni Athena ang paningin nito sa kabuuan ng kanyang mansyon at pansin niya na tila manghang mangha ito roon.

“Ako lang at ang mga kasambahay ko ang nakatira rito sa aking mansyon. At ngayon na asawa na kita ay dito ka na rin titira kasama ako. Alam ko na maninibago ka pa sa simula pero masasanay ka rin naman kalaunan dito. At isa pa mababait din ang mga kasambahay ko at maaari ka nilang tulungan kung may nais ka man na gawin,,” sabi ni Lucas kay Athena.

Napatingin naman si Athena kay Lucas at nagtatanong nga ang tingin niya rito.

“Ikaw lang ang narito at kasambahay mo? Sa laki ng mansyon mong ito ay hindi ka man lang ba nalulungkot dito?” hindi na napigilan na tanong ni Athena sa kanyang asawa.

Isang malalim na buntong hininga naman ang pinakawalan ni Lucas at saka sya namulsa habang nakatitig kay Athena.

“Siguro noon nakakalungkot talaga pero nasanay na rin naman ako na mag isa lang ako sa buhay at tanging mga kasambahay ko lang ang kasama ko rito,” sagot ni Lucas.

“Nasaan ba ang mga magulang mo? Wala ka ba man lang kapatid o kamag anak na makakasama rito?” tanong pa ni Athena.

“Ulila na ako sa magulang at ang nag iisa ko namang kapatid ay may sarili na ring pamilya. Meron naman kaming mga kamag anak pero mas gusto ko na lang mag isa kesa makasama sila dahil alam ko naman ang iba sa kanila ay pera lang ang habol sa akin. Mahirap na kasi ang tumulong ngayon sa kamag anak dahil kahit tumulong ka na ay may masasabi pa rin sa’yo kaya mas mabuti pa na mag isa na lamang ako rito at tanging mga kasambahay ko ang kasama ko,” paliwanag ni Lucas kay Athena.

Dahan dahan naman na tumango si Athena dahil sa sinabi na iyon ni Lucas at tila ba bigla siyang nakaramdam ng awa rito dahil mag isa lang pala talaga ito na namumuhay doon.

“Sa tingin ko ay kailangan na muna nating magpahinga. Bukas mo na lamang libutin ang mansyon  dahil gabi na rin naman. At isa pa ay dito ka naman na titira kaya pwedeng pwede mong libutin ito bukas,” sabi pa ni Lucas at saka siya tumalikod kay Athena. “Sumunod ka na lamang sa akin,” dagdag pa niya at saka siya naglakad paakyat ng hagdan.

Agad naman na sumunod si Athena kay Lucas at kahit na kanina nga ay badtrip talaga siya ay tila ngayon ay excited na siyang libutin ang buong mansyon ng kanyang asawa.

Nang tumigil naman si Lucas sa harap ng isang pinto ay tila ba biglang natauhan si Athena at napakurap kurap pa nga siya habang nakatingin kay Lucas.

Agad na rin naman na binuksan ni Lucas ang pinto ng naturang silid at saka siya pumasok doon.

“Sandali lang… saan ang silid ko? Dito ba?” hindi na napigilan na tanong ni Athena kay Lucas.

Saglit naman na napatitig si Lucas sa kanyang asawa bago siya bumuntong hininga.

“Dito… dito ang ating silid na dalawa,” sagot ni Lucas at saka siya pabagsak na naupo sa malaking kama na naroon.

Napaawang naman ang bibig ni Athena dahil sa sinabi na iyon ni Lucas. Ngayon pa lang ay pakiramdam niya ay bigla siyang kinilabutan dahil kung doon ang kanilang kwarto na dalawa ay malamang na katabi niya sa iisang kama si Lucas.

“S-Sandali lang… w-wala ka bang ibang silid dito na maaari kong gamitin. Kahit maliit na silid lang ay ayos lang naman sa akin,” nauutal pa na sabi ni Athena kay Lucas dahil parang hindi niya kayang tumabi kay Lucas kahit pa sabihin na asawa na niya ito.

“Wala,” agad na sagot ni Lucas at saka ito tumayo at isa isang tinanggal ang butones ng suot niyang longsleeve. “Mag asawa na tayong dalawa kaya dapat lang na sa iisang kwarto lang tayong dalawa,” dagdag pa niya.

“Pero—”

“Wag kang mag alala dahil wala naman akong gagawin sa’yo dahil marunong naman akong gumalang sa babae,” pagpuputol ni Lucas sa nais pa sanang sabihin ni Athena. “Pero nasa sa’yo rin naman yan kung gusto mo na mag honeymoon tayo ngayon,” dagdag pa niya at saka niya kinindatan si Athena.

Nanlaki naman ang mata ni Athena sa sinabi na iyon ni Lucas dahil hindi talaga niya nakikita ang kanyang sarili na isusuko niya ang katawan niya rito.

“Baka naman may iba pang—”

“Wala nga. Wag nang matigas ang ulo mo Athena dahil pagod din ako. Dito ka matutulog sa silid na ito kasama ako sa ayaw at sa gusto mo,” pagpuputol muli ni Lucas sa nais sabihin ni Athena.”Nariyan na ang mga gamit mo. Bukas ko na lang ipapaayos sa kasambahay ang mga iyan. Kumuha ka na lang ng gagamitin mo na pantulog dahil ayaw mo naman sigurong matulog ng nakagown,” dagdag pa niya.

Napatingin naman si Athena sa suot niyang damit at nakagown pa rin nga siya hanggang ngayon. Sa sobrang sama kasi ng loob niya kanina ay hindi  a talaga niya nagawa pang magpalit ng damit noong naroon sila sa mansyon ng kanyang magulang. Napabuntong hininga na lang talaga siya at saka siya dahan dahan na tumango at hindi na nagsalita pa dahil ayaw na rin niyang makipagtalo pa rito dahil pagod na rin talaga siya.

Agad na rin naman na tumalikod si Lucas at dumiretso sa CR upang maligo dahil talagang napagod din siya sa maghapon na iyon at idagdag pa nga na sumasakit na ang ulo niya ngayon pa lang sa kanyang asawa na maligalig.

Pagkalabas naman ni Lucas ng CR ay naabutan niya si Athena sa may walk in closet na hirap na hirap magtanggal ng zipper ng suot nito na gown kaya naman agad na niya itong linapitan.

“Tulungan na kita,” sabi ni Lucas.

Nagulat naman si Athena sa biglang pagsasalita na iyon ni Lucas at nanlaki na lang talaga ang mata niya ng maramdaman niya ang mainit na palad nito sa kanyang likuran at hindi na nga niya namalayan pa na naibaba na nito ang zipper ng suot niyang gown.

Nang maibaba na ni Lucas ang zipper ng suot na gown ni Athena ay bigla rin nga siyang natigilan at napalunok na lang din talaga siya ng kanyang laway nang makita at mahawakan niya ang makinis at maputing likod ng kanyang asawa. Pakiramdam tuloy niya ngayon ay biglang nag init ang kanyang katawan dahil doon kaya naman agad na siyang nag iwas ng tingin dito at agad na tumalikod.

“S-Salamat,” nauutal pa na sabi ni Athena at halos takbuhin na niya ang CR dahil nahuhubad na nga ang suot niyang gown.

Nasundan na lamang ng tingin ni Lucas ang kanyang asawa at napapailing na lang din talaga siya rito dahil pwede naman siya nitong palabasin muna roon at magsuot na muna ito ng robe pero nagtatakbo na nga lang ito papuntang CR na parang bata.