KABANATA 29

KABANATA 29: Conference room

NALA

Pwede nang sabitan ng sandok ang nguso ko dahil sa haba nito habang tinitigan ang mga papel na tambak sa lamesa ko. Kahit tinititigan ko lamang ang mga ito ay sumasakit na kaagad ang ulo ko paano pa kaya kapag may ginawa na ‘ko?

No’ng maliit pa ‘ko gusto ko talagang magtrabaho sa mga kumpaniya kagaya nito dahil akala ko ay madali lang ang mga ginagawa nila pero kung makakausap ko lang ang maliit na ako ngayon sasabihin ko sa kaniya na huwag nang mangarap ng ganitong trabaho.

Ipinatong ko sa lamesa ko ang kape ko na tinimpla ko kanina sa pantry area. Pampabuhay ng katinuan. Sinigurado ko na malayo ito sa mga dokumentong nasa lamesa ko para walang problema kung sakaling matapon man ito kahit hindi sinasadya. Ipinatong ko rin sa ibabaw ng lamesa ang bag ko bago ako umupo sa swivel chair ko.

Sumulyap ako sa lamesa ni Hugo. Walang tao doon dahil kakapasok lang ni Hugo sa conference room para makipag-meeting kasama ng mga board members and directors. Mul