CHAPTER 2

BLYTHE JULIANNA (ACE)....

"Oh that's good! Si Luke pala ang nag-ayos sa sasakyan mo. I'm sure pulido ang pagkakaayos n'ya at sigurado na naayos na ng mabuti ang nasirang parti. Luke is one of our top mechanic here. Hindi lamang dito kundi pati na rin sa ibang branches ng La Car's sa ibang bansa. He is in demand at swerte mong nandito s'ya ngayon sa Pilipinas," kwento ni Raffish sa kan'ya.

Tumango-tango s'ya bilang tugon sa mga sinabi nito at lihim na humanga sa galing ng lalaki pagdating sa sasakyan. Ngunit ang paghanga sa galing na nararamdaman n'ya para rito ay may kakaibang pakiramdam na dala sa kan'ya. Looking at Luke ay may kakaiba s'yang nararamdaman sa pagkatao nito na hindi n'ya pa matukoy sa ngayon na kung ano.

"Acey?" pukaw sa kan'ya ni Raffish ng makita nito na nakatulala lang s'ya at hindi sumasagot.

"So..., this hot and gorgeous man's name is Luke at isang nternational car mechanic. That's cool,"hirit pa ng isip n'ya bago binigyan ng ngiti si Raffish na ngayon ay nakakunot na ang noo habang nakatingin sa kan'ya.

"What can I say, Raffish? I am lucky today," pilyang sagot n'ya rito sabay kindat sa lalaki na mas lalong ikinabuhay ng pagnanasa sa mga mata nito na mariin na nakatingin sa kan'ya. Kung hindi dahil sa kan'yang trabaho ay baka kanina n'ya pa nadukot ang mga eyeballs ng kaharap na manyak.

"Luke buddy, how's everything?" tanong ni Raffish kay Luke. Doon lang at binalingan n'ya ito ng tingin katulad ng ginawa ni Raffish na ngayon ay nasa lalaki na ang atensyon. Nagtama ang kanilang mga mata ni Luke at biglang kumalabog ng malakas ang kan'yang dibdib ng makita ang madilim na anyo nito ngunit agad ding nawala at napalitan ang malamig na emosyon ng ilipat kay Raffish ang tingin.

"All good Mr. Batista. Naayos ko na ang lahat ng sira at sigurado na wala ng palya yang sasakyan ni Ms—,"

"Ace..., her name is Ace, Luke. Isn't it lovely just like here?" si Raffish dito na ipinakilala ang kan'yang pangalan sa binata. Ilang segundo na hindi sumagot ang lalaki at s'ya naman ay halos hindi na makahinga sa paghihintay sa magiging sagot nito sa tanong ni Raffish.

"Sounds like a poker to me," sagot ni Luke na ikinaawang ng kan'yang labi. Nakaramdam s'ya ng inis dito dahil sa panlalait sa kan'yang pangalan. No one dares to mock her precious name na binigay ng kan'yang mga magulang sa kan'ya.

"So rude!" hindi napigilan na bulalas n'ya rito. Hindi n'ya alam na may pagkabastos din pala itong lalaki na kaharap n'ya. Gwapo sana at hot ngunit bastos ng ugali.

Nagbalik lang s'ya sa kan'yang sarili ng marinig ang malakas na pagtawa ni Raffish sa sinabi ni Luke. Nanlilisik ang mga mata at namumula sa galit na binalingan n'ya ng tingin si Luke na nakatingin din pala sa kan'ya ng mga oras na iyon.

"What?" inis na sita n'ya rito na hindi na napigilan ang paglabas ng kan'yang pagiging dragon ng mga El Frio.

"I am just telling the truth, Ms.Ace and I don't sugarcoat my words just to please and make other people feel better. Excuse me!" malamig na sabi nito sa kan'ya sabay alis at iniwan silang dalawa ni Raffish na tawang-tawa pa rin hanggang ngayon.

"Raffish stop laughing," sikmat n'ya sa binata.

"What? Eh sa hindi ko mapigilan eh. He is so cool, right?" tatawa-tawang dagdag pa nito. Inirapan n'ya ito at hinablot ang susi ng sasakyan at padabog na pumasok sa kan'yang kotse na natapos ng ayusin ng bastos na lalaki.

"Hey ang bayad mo!" sigaw pa ni Raffish sa kan'ya ng makita ang pagpasok n'ya sa sasakyan.

"Send me the bill and I'll wire you the payment. Adios!" inis na sagot n'ya rito sabay maniubra ng sasakyan paalis ng lugar. Nagngitngit ang kan'yang kalooban dahil kay Luke at sa sinabi nito.

Ito ang kauna-unahang lalaki na nakakuha ng kan'yang atensyon at ito din ang kauna-unahang lalaki na nilait ang kan'yang pangalan at hindi man lang nakitaan ng kahit na katiting na paghanga sa kan'yang ganda.

"Akala mo naman kung sinong gwapo!" inis na sabi n'ya at mariin na inapakan ang gas pedal ng sasakyan na s'yang dahilan ng pagharurot nito ng takbo at paglikha ng kakaibang ingay.

"Gwapo naman talaga ah!" sagot ng isip n'ya. Nahampas n'ya tuloy ang manibela dahil sa inis. Hindi n'ya rin maintindihan kung bakit s'ya nakaramdam ng inis ng mga oras na iyon. Siguro ay dahil sa kan'yang ego na nasagi ng lalaki. Nasanay kasi s'ya na pinagbibigyan ng lahat dahil nag-iisang babae s'ya sa kanilang pamilya at spoiled s'ya sa mga kapatid at mga pinsan lalo na sa kan'yang ama.

Hindi lang uubra ang pagiging m*****a n'ya sa kanilang nanay. Sa kanilang mga magulang ang ina ang terror at dito silang magkakapatid takot.

Sa penthouse s'ya umuwi pagkagaling sa La Car's. Gustohin n'ya man na sa mansyon ng mga magulang umuwi ngunit hindi n'ya ginawa at pinigilan n'ya ang kan'yang sarili dahil kapag nakita ng kan'yang mga magulang ang kan'yang hitsura ay panigurado na hindi s'ya tatantanan ng mga ito sa kakatanong.

Kaya para makaiwas sa interrogation lalo na sa ina ay dito na s'ya sa kan'yang penthouse dumiretso. Lahat silang magkakapatid ay may kan'ya-kan'yang building na pag-aari at ang penthouse ang s'yang ginawa nilang extension ng kanilang bahay sa Cassandra Village.

Pagpasok n'ya ay pahilata s'yang nahiga sa sofa at parang pagod na pagod. Hindi maalis sa kan'yang isip ang gwapong mukha ng lalaki ngunit agad ding sisimangot kapag sumagi sa isip n'ya ang salbahing ugali nito.

Wala sa sarili na napasabunot s'ya sa kan'yang buhok dahil sa frustration. Ito ang kauna-unahang pagkakataon na nagulo ang kan'yang isip at nag-asal bata s'ya dahil sa isang damuhong lalaki.

"Shit! May asawa na kaya s'ya?" parang tanga namang tanong n'ya sa sarili. Maya-maya pa ay tumunog ang kan'yang cellphone. Sinilip n'ya ito at nakita n'ya na isa itong statement of account from La' Carera Wheels para sa kan'yang bills.

"Ang bilis maningil ah!" wala sa sarili na sabi n'ya.

Binuksan n'ya agad ang naturang statement para makapagbayad na s'ya ngunit napatda s'ya ng makita ang amount na sinisingil ng mga ito sa kan'ya.

"What the fvck!" malakas na bulalas n'ya ng makita ang sampong milyong peso na charge for her car overhaul service charge. Napabalikwas pa s'ya ng bangon dahil sa pagkagulat. Ilang beses din s'yang pumikit sabay dilat ulit para masiguro na hindi s'ya namamalikmata sa halaga na nakasulat sa bill.

At hindi s'ya nagkakamali sa nakita. Totoong milyones ang singil sa kan'ya ng La Car's. Binasa n'ya ang iba pang nakasaad dito at ng makita ang numero na nakasulat ay nakabuo s'ya ng desisyon.

"Magtutuos tayo ngayon, Raffish," igting ang mga panga habang dinadayal ang numero na nakalagay sa statement.

Agad n'yang tinawagan ang numero ng nagsend ng bills para murahin ito. Saan ka makakakita ng sampong milyon na bill para lang sa overhaul ng isang sasakyan.

"Luke Friedrich Muller speaking," baritonong boses ng lalaki ang sumagot sa kan'ya. Natigilan s'ya dahil kilala n'ya ang boses nito. Ilang segundo s'yang hindi nakahuma ngunit ng maalala ang amount na sinisingil nito sa kan'ya ay agad n'yang hinamig ang sarili bago nagsalita.

"Mr. Muller, this is Ace El Frio, ang nagpagawa ng sasakyan sayo kanina, I think you mistakenly type the amount of the service charge sa bill na pinasa mo sa akin," kalmadong sabi n'ya rito. Natahimik ito ng ilang segundo at parang nakikiramdam bago nagsalita. Tinatanya pa siguro nito ang kan'yang galit kung kakayanin ba nito o hindi.

"That's your bill Ms. Ace, walang mali d'yan," malamig na sagot ng binata pagkalipas ng ilang segundo. Nagsimulang umaso ang kan'yang bombonan sa sagot ng lalaki sa kan'ya.

"Seriously? Like what the fvck Mr. Muller, saan ka nakakakita ng sampong milyong peso na bill para sa overhaul ng isang sasakyan?" galit na singhal n'ya sa lalaki. Wala na s'yang pakialam kung namura n'ya ito dahil sa mga oras na iyon ay galit ang nangingibabaw sa kan'ya.

"Sa akin lang Ms. Ace. At bakit ka pa magtataka? You own an almost twenty million dollar car. What do you think the costs of service and parts of your car? Palibhasa ang problema sa inyong mga mayayaman ay masyado kayong naaliw sa mamahaling bagay na hindi n'yo na naisip ang consequences of having an expensive things," sermon nito sa kan'ya. Napanganga s'ya dahil sa walang preno at habas na bibig ng lalaki.

"Fvck you!" inis na singhal n'ya rito at mabilis na pinatay ang tawag. Wala sa sarili na napahawak s'ya sa kan'yang dibdib habang habol ang kan'yang paghinga dahil sa inis rito.

Ngunit agad ding natigilan ng biglang tumunog ulit ang kan'yang cellphone at sa pagkakataong ito ay ang lalaki na ang tumawag sa kan'yang numero. Nagdadalawang isip s'ya kung sasagutin n'ya ba o hindi ang tawag nito ngunit parang may sariling isip ang kan'yang mga daliri na kusang gumalaw at pinindot ang answer button ng tawag.

"What?" gusto n'yang palakpakan ang kan'yang sarili dahil nakuha n'yang sumagot ng hindi nauutal.

"Wire the money now and we're done with our business!" matigas na sagot nito sa kan'ya. Naikuyom n'ya ang kan'yang mga kamao.

"I'm not gonna pay!" galit na sagot n'ya rito.

"It's fine! See you in court then," malamig na sagot ng lalaki sa kan'ya sabay patay ng tawag na mas lalong ikinausok ng kan'yang ilong.

"The more you hate, the more you crave," parang naririnig n'ya ang pagkantyaw sa kan'ya ng kan'yang isip ng mga oras na iyon na ikinainit ng kan'yang pisngi.

"Damn you Blyth Julianna! Stop your nonsense!" kastigo n'ya sa sarili na parang timang na nakikipag-away sa kan'yang sarili.