Chapter 14: GIRL'S FIGHT

Pagkalabas nila ng Conference room, nagkahiwalay sila ni Fawn, mayroon rin kasi itong mga pasyente na inaasikaso. Siya naman naglalakad sa corridor para puntahan rin ang isa sa mga pasyente niya. Ngunit saktong pagkarating niya sa dulo kung saan may hagdan, niluwa nito si Stella na naka-cross ang mga braso.

Ang sama ng tingin nito sa kaniya at inasahan niyang magsalita ito ng kung ano-ano sa kaniya pero tuloy-tuloy ang lapit nito. Kinabahan siya, slight at walang anu-ano'y hinila nito ang buhok niya. "Ang kapal ng mukha mong hiyain siya sa harapan ng lahat!"

Napahawak siya sa kamay nito at napasigaw. "Ahh! Ano bang problema mo? Bitawan mo ang buhok ko!"

Napapikit siya sa lakas ng hila nito. Parang matutuklap ang anit niya. "Problema ko? Ikaw! Masyado kang mayabang! Bakit sa tingin mo bida ka? Sinabi mo talaga iyon kay Lucas?! For your information na babae ka, si Lucas anak ng Chairman, may-ari ng hospital! Kaya ka niyang paalisin kung gusto niya. Ikaw, doctor ka lang dito! Wala kan