CHAPTER 04

WHAT IF...

It might sound crazy but it was real. I am now Mrs. Alastair and married to Leon Alastair. Halos isang oras lang kaming nagpalitan ng personal profile. Wala pa nga roon ang background namin. Ngayon, heto, hindi pa rin ako makapaniwalang may asawa na ako... sa papel nga lang. In fact, hindi pa nga rin pormal na nasumite ang papel namin. Wala man lang karesi-resibo na puwedeng magpatunay na ikinasal kami ngayon dito sa Vitale Hotel and Resort.

But what if... It's a prank lang pala ang lahat? What if after ng first salary niya ay maglaho na lang siya na parang bula? Or what if, after three months... ma-realize niya na ang ganda ko at sayang naman kung hindi ako ang endgame niya?

Oh well, kung hindi ako... ano naman ang pakialam ko?

Tsaka, sorry na lang, pero mukhang malabong matupad ang pangarap niya, lalo na kung ako pala ang papangarapin niyang abutin. Turo ng Mommy at Daddy ko sa amin ni Avi dati na importante raw ang pagpili sa kakaibiganin at mamahalin. Kaya choose wisely.

Mom said, "Pumili ka ng mabait na kaibigan at sa kanya ka magsasama palagi, dahil nakakahawa ang ugali. Imbes na bad influence kayo sa isa't isa, ay mas okay ang good influence kayo, at hilahin niyo ang isa't isa pataas." Mas maganda ang stress-free na buhay. Hindi ka papangit; hindi rin ikaw ang magiging dahilan ng kanilang pagiging pangit!

Tama naman si Mommy, kaya isinapuso at isip namin 'yon ni Avi. Kaya ayon... wala kaming naging kaibigan kundi ang isa't isa lang. Sisters by blood, friends by choice. Nakasalalay sa sasamahan mo kung ano ang kapupuntahan mo. And for me, ito ay 90% true.

While Dad said, "Choosing someone to love and to be with, was like investing in a business, it required careful consideration. You must invest wisely. Do not waste your precious time on people who would only drain you. Instead, be with people who are good for your mind, health, soul, and especially your heart."

Dahil sa mga pangaral na 'yon ni Daddy dati ay bigla akong napa-explain. "Well, Dad, just an FYI... hindi ko naman mahal si Leon. So siguro naman ay exempted pa ako sa mga pangaral mo ngayon. Alam kong magagalit ka at baka bumaba mula sa heaven kapag nalaman mong nanghila ako ng lalaki para pakasalan. Sorry na agad, nagipit lang."

Para rin naman sa kanila kung bakit ko ginagawa 'to. Para makamit namin ang hustisya sa pagkawala nila ng maaga.

I was in deep thought nang biglang may tumabi sa akin sa countertop. Naupo siya sa mismong countertop sa tabi ko at inabot sa akin ang isang brown paper bag. Isang lalaking naka-white T-shirt. Nakapalupot na kasi sa baywang niya ang kalahati ng uniform niya, kaya naman nakalitaw na ang panloob niyang white T-shirt. Habang ang bimpo niyang puti rin ay nakasampay pa rin sa kanyang balikat. May silver na hikaw sa gilid ng matangos na ilong; may silver din na hikaw sa magkabilang tainga.

"Kung hindi lang nakakunot 'yang kilay mo, iisipin kong guwapong-guwapo ka sa akin!" Nakangising asar niya sa akin. Medyo napatagal pala ang pagtitig ko sa kanya. Kasi naman, nakapagtataka talaga na he looks so fresh kahit na basa ng pawis.

Inirapan ko siya. "Eww! Gagong-gago, pwede pa!"

"Ayan na napkins mo. Maligo ka na at naamoy na kita!"

Gusto ko pa sana siyang singhalan, but I chose to remain silent. Mauubos lang ang lakas ko kapag nakipagtalo pa ako sa kanya.

Tamang thank you na lang ang sinabi ko bago tumalikod. Pero ilang hakbang pa lang ay muli akong bumalik at tinanong ko siya.

"Nasaan ang bathroom? And also, can I borrow a shirt from you? 'Yong malinis at mabango sana, kahit hindi bago." Nginitian ko na lang siya ng napakalawak para maitago ang hiyang nararamdaman ko.

Kaagad naman siyang bumaba mula sa countertop at tinour ako sa kanyang bahay.

"Yong lugar natin kanina, doon ang kusina at sala na. Mga sampung hakbang lang, tapos turn left, ito na ang bathroom na hinahanap mo." Binuksan niya ang puting p***o at ipinakita sa akin ang loob ng banyo.

Hindi man sobrang laki, kompleto naman sa gamit at importante na malinis. May maliit din na bathtub at shower. And in all fairness, may hot and cold shower din.

"Limang hakbang mula sa banyo ay matutumbok mo na ang master's bedroom kung saan nangyayari ang mga bagay na hindi mo alam." Ganado siya sa pagto-tour na akala mo ay sinaniban ni G****e Maps!

"Bakit? Anong nagaganap sa master's bedroom?" Curious kong tanong.

"Secret! Hindi mo nga alam, di ba!" Nakangising sagot niya. Ang sarap niyang bigwasan sa noo, sa totoo lang "Tapos 'yong kuwarto doon sa dulo... restricted area 'yon. Huwag kang papasok doon kung ayaw mong masira ang buhay mo." 

Ang kaninang pilyong ngiti niya sa labi ay nawala at napalitan ng pagiging seryoso. Para ring may madilim na aura na biglang bumalot sa kanya. Ewan ko ba, guni-guni ko lang yata pero para siyang nagmukhang kakain ng tao.

"Got it!" sagot ko na lang para matapos na dahil akoy lagkit na lagkit na. "Puwede na ba akong mag-shower?"

Tiningnan niya ako mula ulo hanggang paa. "Mag sa-shower ka? Teka, may bra ka ba? Mapapahiram kita ng T-shirt at boxer, binili rin kita ng panty... pero wala akong bra."

Nag-init ang magkabila kong pisngi dahil sa sinabi niya. Hindi ko naman ini-expect na bibilhan niya rin pala ako ng underwear. Pero ang walanghiyang lalaki, panty talaga!

"Never mind! Puwede ko namang ulitin na isuot ang bra ko. Sige na, ipaghanda mo na lang ako ng damit at malinis na towel."

"May malinis na towel na ho sa banyo, mahal na prinsesa!" pabalang na sagot niya. "Ano pa ho ba ang maipaglilingkod ko sa inyo, at mukha kasing nakakahiya naman na hindi kita paglingkuran gayong naririto ka sa pamamahay ko."

I smile sweetly. "Salamat mahal kong alipin! Don't worry, ipagluluto kita later."

Natulala siya at para bang may dumaan na demonyo sa harap niya. Mga 20 seconds bago siya tumingin sa akin. "Anong tawag mo sa akin?" lutang pa ring tanong niya.

"Alin? Alipin?" nagtatakang sagot ko naman.

"No, before that." Natutop niya ang kanyang bibig. "Putek! Napa-english tuloy ako!"

Wala na talagang pag-asa ang lalaking ito. Tanggap ko na kahit poor lang siya. In fact, ay tinanggap ko na nga rin na kahit papaano ay friends na kami at contract husband ko na siya. And so what if he was employed as maintenance here at Vitale Resort? At least, marangal naman ang trabaho niya, and he was not like the other guys na irresponsible and tambay lang.

Kaya lang, 'yong pagiging mulala niya talaga ang hinding-hindi ko matatanggap!

"You know what, kulang ka siguro sa bakuna noong bata ka." Ginaya ko ang pagsuri niya sa akin kanina. Tiningnan ko siya mula ulo hanggang paa. "You're tall, not so dark... sakto lang-"

"And handsome?" putol niya naman sa akin.

"Sino naman ang nagsabi na handsome ka?" balik-tanong ko. "Pero, ayon nga... mulala ka! Wala talagang niluto si Lord na perpekto."

"Hoy, maraming nagsasabi na saksakan ako ng guwapo. Saksakan ng macho. Saksakan ng sex appeal-"

"E kung saksakin kaya kita ngayon!" Nilampasan ko na siya at lumakad na pabalik sa banyo.

Hindi matatapos ang walang kuwentang diskusyon sa pagitan namin ni Leon kung hindi pa ako magkukusang mag-walk out! Hindi rin kasi siya papatalo at lagi rin may pangontra sa lahat ng sasabihin ko.

Pero bago ako tuluyang pumasok sa banyo ay muli ko siyang nilingon. "Leon!"

Walang pakialam na humarap naman siya sa akin, "O?"

"Thank you ulit sa napkin ha, di bale, babayaran naman kita." I pouted my lips. "Unang araw pa lang ng trabaho mo, napasabak ka kaagad sa problema ko. Paano pa kapag tunay na problema na?"

"Eh, anong ginagawa ko? Display?"

I didn't expect that he would say that. Ang mga labi ko ay napaawang sa kanya.

But then, biglang nakakaloko na nginisihan niya ako.

"Alangan naman pabayaan kita, e mag-asawa tayo."

*******