Chapter 3

Ikatlong araw na ni Amber ngayon sa Hotel.

Habang inaayos niya ang sarili sa harap ng salamin ay naalala na naman niya ang nangyari kahapon. Napakagat-labi siya at mariin na napapikit sa sariling kahihiyan. Sana hindi niya gaanong na-offend si Mr.Achilles Marvels.

Nagsisisi talaga siya sa ginawa niya kahit na nainsulto siya rin kahapon. Tumatak kasi sa utak niya ang sinabi ni Ms. Kate na mabuting tao si Mr. Marvels. Mukha namang totoo, kasi kung talagang masama ang ugali nito, baka sinipa na siya palabas ng hotel.

Dito rin kasi siya tumutuloy sa isa sa mga staff rate rooms sa 4th floor. Binigyan siya ng discount kasi nga empleyado siya rito. Mayroon ding staff quarters sa malapit bilang parte ng employment package. Doon dumutuloy ang iba, kabilang na si Gabi. Libre lang doon. Samantalang si Nita ay stay out kasi doon siya umuuwi sa boyfriend niya. At siya, bago pa man siya lumuwas ng Manila ay nag-book na agad siya rito. Pansamantala lang habang hindi pa sila nagkikita ni Ralph. Balak niya kasing magpatulong dito sa paghahanap ng malapit at safe na paupahan.

Nasaan na nga kaya iyon? Kahapon pa niya ito kinokontak pero unattended. Ang sabi ay vacation leave daw.

Pero bakit hindi niya makontak?

Ngayon niya lang ulit ito naalala. Kagabi kasi, ang nangyari at si Mr. Marvels lang ang laman ng utak niya. Pati 'yung mga mata nito at pabango nito ay sumisingit sa alaala niya. Hanggang ngayon ay parang naaamoy pa rin niya ito.

"Erase! Erase!" Pumikit siya at iwinasiwas ang mga kamay.

Bumuga siya ng hangin saka niya tiningnan ang repleksyon niya. Kahit anong pilit niya na isiksik sa utak si Ralph, si Mr. Marvels pa rin ang naiisip niya.

"I'm just guilty. Huwag ka pong mag-alala, Sir Achilles, babawi ako. Hihingi na rin ako ng sorry mamaya kapag nagkita tayo. Kaya please, patahimikin mo na ang kaluluwa ko!"

Maaga siyang nag-duty, at suot na niya ang uniform nila. Isang puting blusa na may itim na neckline at dinisenyuhan ng tatlong black pearl na nagsisilbing button. Crisp black skirt naman sa pang-ibabang kasuotan, it's above the knee, paired with elegant black high-heeled shoes.

Mayroon din silang suot na black cap na parang barkong nakapatong sa buhok nilang nakapusod nang maayos. Pearl accented name tag sa kanang dibdib, at trainee badge naman sa kaliwa.

Dumiretso kaagad siya sa reception area at nag-log in.

"In fairness bagay sa iyo ang uniform. Morena girl pero napaka-sexy at napakaganda," gatong naman ni Nita.

Napuno yata siya ng compliment sa araw na ito. Mula pa kanina paglabas niya ng room hanggang sa elevator at dito. Wala namang nagbago sa itsura niya. Nagsuot lang naman siya ng uniform at naglagay ng light make-up pero wala namang kakaiba. Baka good lang talaga ang morning ng lahat ng staffs.

"Sumasali ka ba sa beauty contest sa lugar niyo?" si Gabi.

"Hindi. Athlete ako sa lugar namin, napasama na rin sa mga palarong pambansa."

"Wow. Anong sport?"

"Swimming."

"Taray. Sana all marunong lumangoy. Ako kasi hindi."

Hinipo ni Gabi ang hita niya. Hindi na siguro nakatiis. Kanina pa kasi nito tinititigan. "Ang kintab ng legs mo. Naglagay ka ba ng floor wax?"

"Sira! Natural 'yan! Iyan ang isa sa dahilan kung ba't nabu-bully ako sa amin na barbeque daw ako. Sunog at oily."

"Pero mas mainam 'yung ganyan, ha. Hindi ka agad nagkaka-wrinkles 'pag oily skin."

Hinila niya pababa ang laylayan. "Masyado bang maikli ang skirt? Baka mapuna na naman ni Mr. Marvels."

Tinawanan lang siya ng dalawa. "Masanay ka na doon. Strict lang talaga iyon pero mabait naman 'yon."

"Speaking of Adonis, nag-request nga pala siya ng toothbrush sa suite niya. Nahulog daw kasi 'yung ginamit niya. Ikaw na ang maghatid." Kinindatan siya ni Nita.

"Bakit ako? Gawain 'yan ng housekeeping."

"Walang available, 'yung isa ay isinugod pa sa clinic kasi biglang nahilo."

Naningkit ang mga mata niya sa dalawa. Hindi niya mapigilang magduda. Baguhan kasi siya, baka mamaya, pinagtitripan pala nila siya.

"Bakit pakiramdam ko binubugaw niyo 'ko?"

"Ayaw mo pa no'n, si Achilles Marvels na 'yan, girl. Pangarap ng lahat!"

"Eh, hindi ko naman siya pinapangarap."

"Kunwari pa. Sige, kunwari hindi namin napansin na natulala ka kahapon sa kakisigan niya."

"Hoy!" Hinila niya ang mga ito at inilapit. "Masyado ba akong obvious? Napahanga lang naman ako pero hindi ko talaga siya type, swear."

"Sige, kunwari naniwala kami."

"Bahala nga kayo!" Tinulak niya ang dalawa pareho.

"Alam mo, mukhang type ka rin ni Sir. Never pa iyon nanglo-look back. Ikaw pa lang ang nilingon no'n!" gagad ni Nita sabay halakhak.

"May boyfriend na ako! At loyal ako sa boyfriend ko. Hinding-hindi ko iyon ipagpapalit sa isang hot Daddy na daks at bilyonaryo, noh!"

"Talaga lang, ha? O, siya. Hatid mo na 'yung toothbrush kay hot Daddy!"

Dahil baguhan ay wala siyang nagawa kundi ang sumunod sa utos sa kaniya ng mga nauna. Hinatid niya nga sa 25th floor ang toothbrush.

Nagdadalawang-isip pa siya kung kakatok ba o magdo-doorbell. Alin man sa dalawa, pareho lang ding maiistorbo si Mr. Marvels.

Kumatok na lang siya. Nakailang ulit pa hanggang sa pinatunog niya na ang doorbell pero wala pa ring nagbukas.

"May tao kaya sa loob? O baka pinagtitripan lang talaga ako ng dalawang iyon?"

Tumingkayad siya at sumilip sa peephole ng pinto. Useless dahil hindi niya naman makita sa loob. Naghintay pa siya ng ilang segundo bago muling kumatok ngunit wala pa rin.

"Mr. Marvels! Toothbrush niyo po!" Idinikit niya ang tainga sa pinto at nakiramdam.

Pagod siyang sumandal sa pinto at humalukipkip nang bigla na lamang itong bumukas. Napatili siya sa gulat sa pagkakabuwal niya at patihayang bumagsak sa sahig. Pikit-mata siyang napakapit sa mga binti ni Mr. Marvels.

"What the hell!" bulalas ni Mr. Marvels kaya agad siyang napadilat.

Sumalubong sa paningin niya ang kampana ng Notre Dame. Medyo madilim sa loob dahil may towel na suot pero kitang-kita niya ang nakalambitin.

"Get up, Miss!" nakapameywang nitong utos.

Namilog ang mga mata niya nang mapagtanto kung ano ang nakikita niya.

"Diyos Mio!" Taranta siyang bumangon at nauntog pa sa kaniya.

"Fuck!" sigaw ni Mr. Marvels.

Hindi niya alam kung saan tumama ang ulo niya, basta pag-angat niya ng mukha, nakaluhod na ito sa harap niya, nakayuko habang sapo-sapo ang kaniyang gitna na natatakpan ng puting towel. Sunod-sunod ang pagpakawala nito ng malulutong na mura.

"S-Sir?" Hindi na ito kumibo.

Nakayuko lang ito. Parang hindi na nga humihinga. Patay, baka inatake ng high blood!

"Sir? Buhay pa ba kayo?"

Gumalaw ito, dahan-dahan na nag-angat ng tingin. My god, ang pula ng mukha nito, at hindi maipinta. "Sir, ayos lang po kayo?"

"You naughty little woman! I'll make you pay for this!"

Napaatras siya. "Ano po bang kasalanan ko? Hindi po ba't ako 'yung nasaktan dito?"

"Sinuwag mo ang... You little... Damn it!" Gigil itong napasigaw.

Damn, tinamaan pala niya ito sa bayag. Ang sakit no'n. Baka sesantihin na talaga siya. No! Hindi pwede! Ang sablay naman niya. May pa-practice-practice ka pang nalalaman kanina kung paano mag-sorry tapos ito pala ang mangyayari?

Ngali-ngali niyang nilapitan si Achilles. "Sir! Sorry! Sorry talaga!"

Hindi niya alam kung hahawakan ba niya ito. N*******d kasi ito at tanging towel lang ang nakatabing sa kahubaran nito. Baka lalong magalit kapag dumampi ang palad niya rito. Sa huli ay pinanood na lang niya itong dahan-dahan na tumayo at tumalon nang dalawang beses habang sapo pa rin ang kaniyang gitna.

"Bakit ba kasi ang kalat mong babae ka?!"

"S-Sir, sorry talaga. Akin na po."

Napaangat ito ng tingin, kunot ang noo. "At anong gagawin mo?"

"Ah, ima-massage?"

"Massage what? My balls?"

Nag-init ang mukha niya sa sinabi nito. Oo nga naman, Amber. Ang tanga mo naman para mag-offer ng massage sa betlog.

"Since you offered, go ahead and give me a massage."

"A-Ano, sir?!" Parang luluwa na ang mga mata niya sa pagkabigla. Pinandilatan niya ito.

Umupo ito sa isang couch paharap sa kaniya. "Massage me."

"Ayoko nga!" Tinalikuran niya ito. Nang maalala niya ang toothbrush sa bulsa ng uniform niya ay humarap ulit siya saka niya initsa rito ang toothbrush. "O, ayan ang toothbrush niyo, sir. Kiskisin niyo na lang ang itlog niyo para gumaling!" At mabilis siyang lumabas ng silid.

***

Sinundan ni Achilles ng tingin ang babae na nanakbo palabas ng kaniyang suite.

That young woman has no sense of decorum at all. Noong isang sinagot-sagot siya, ngayon ay hinagisan siya ng toothbrush.

Does she really think I'd let her massage my balls? Sinubukan niya lang naman ito kung papayag. At kung sakali man, ipapa-massage sana niya rito ang kaniyang likod na nalamigan. Babayaran naman niya ito at ipapaalam kay Kate. Kung anu-ano kasing naiisip.

"One more strike, Amber Ruiz, and I'll teach you a lesson, wild as you are."

Ang mga kabataan nga naman ngayon.