Kabanata 16

Training

Pag-uwi ko sa bahay ay naabutan kong gising pa si mama. Nasa kusina siya at may sinusulat sa notebook.

"'Ma, alas-singko na po ng madaling-araw. Bakit gising pa po kayo?" tanong ko bago naupo sa katapat niyang upuan.

"Natulog naman na ako. Nagising lang ako kanina kaya naisipan kong kuwentahin ang utang natin."

Pinagmasdan ko si nama at doon napansin na parang tumanda siya ng ilang taon. Dahil na rin siguro sa stress nitong mga nakaraang linggo. Dumami na ang kaniyang puting buhok at mas halata na ngayon ang kulubot sa kaniyang mukha.

"'Ma, wala na po ba talagang pag-asa na makabalik kayo sa palengke?" tanong ko.

Bumuntonghininga si Mama at pilit na ngumiti.

"Hindi ko rin alam, Dawn. Pasensiya ka na, ha? Alam kong nahihirapan ka na sa pagtatrabaho. Kung may magagawa lang sana ako, hindi mo na sana k