DEEP WITHIN MISS COLD-HEARTED CEO'S HEART

CHAPTER 46

      Pagmulat ni Ramona ay ikinagulat niya ang maraming pares ng mata na nakatutok sa kaniya. Hindi niya matukoy kung ano ang ibig sabihin ng samut-saring ekspresyon na nakikita niya sa mukha ng mga ito habang nakatingin sa kaniya.

      Nilingon niya ang mommy at daddy niya, gayundin ang kapatid niyang si Ramjay sa may gawing kanan niya. Napansin niyang namamaga pa ang mga mata nito, dala marahil ng matagal na pag-iyak. Gayunpaman ay pawang nakangiti ang tatlo habang nakatingin sa kaniya.

      Samantala sa gawing kaliwa niya ay naroroon si Makki na banaag pa rin ang matinding emosyon sa mga mata habang relief naman ang nakikita niya mula sa katabi nitong sina Marco at Samantha.

      Bahagya namang napakunot ang noo niya nang paglingon niya kay Billy na nasa may paanan niya ay wala siyang mabasang anumang ekspresyon sa mukha nito. Basta la