Kabanata 76

Kumunot ang noo ni Leon nang mapansin na nasa isang sulok si Lia kasama ang pamangkin niyang si Owen at ang fiance nitong si Kiana. Nakangiti naman ang asawa niya kaya nabawasan ang pag-aalala niya. Nahawa siya sa ganda ng ngiti ng kaniyang asawa kaya napangitinrin siya pero agad din iyong napalitan ng inis nang makita niyang nakatitig ng malagkit ang pamangkin niyang si Owen kay Lia. Parang may umusbong na kakaibang emosyon sa kaniya. Tila ba nais niyang dukutin ang mga mata ni Owen sa inis dahil hindi nito magawang maalis ang tingin nito sa asawa niya, kahit pa naroon si Kiana na fiance nito.

‘Alam kong maganda si Lia at maraming napapalingon sa kaniya pero bakit kapag si Owen ang nakatitig sa kaniya ay parang gusto ko itong hilahin at suntukin? Saka hindi ba napapansin ni Owen na matalim ang titig ng fiance nito sa asawa ko?’ isip-isip ni Leon.

Mas lalong nadagdagan ang inis ni Leon nang makitang nakatingin si Owen sa labi ni Lia. Sa inis niya ay nagmartsa na siya palapit sa mga