Kabanata 2

Sumandal si Celine sa balikat ni Luke habang tinatanaw nila ang pag-alis ni Barbara sa mansion. Huminga siya ng malalim bago tumingala kay Luke.

"Ayos lang ba talaga na paalisin natin si Barbara dito, Luke?" Puno ng pag-aalala niyang tanong.

Bumaba ang tingin ni Luke sa kanyang mukha at masuyong ngumiti. "Oo naman. Ang importante ay kayong dalawa ng baby natin."

Sa pagkakataong iyon ay napangiti narin si Celine. "Thank you, Luke. Akala ko hindi mo kami pipiliing dalawa."

Huminga ng malalim si Luke bago humarap sa kanya. Hinawakan nito ang magkabila niyang pisngi at marahan na hinaplos. "Pwede ba naman yun? Ikaw ang mahal ko, Celine. Hindi si Barbara."

Napangiti si Celine pero hindi parin nawala ang pag-aalala sa kanyang mukha. "Pero paano kung balikan niya tayo? Paano kung magbago ang isip niya at bawiin ang Oceana na ibinigay na niya sayo?"

Alam niya kung gaano katalino si Barbara. Too bad she's also full of empathy and that made her weak.

"Wag kang mag-alala. Gagawin ko ang lahat para hindi na makabangon pa si Barbara. Gagamitin ko ang koneksyon ko nang sa ganun, mananatili siya sa baba at hindi mangyari ang kinakatakutan mo," may diing bigkas ni Luke.

Masyadong matalino si Barbara. At naiinis siya sa bagay na iyon. Sa loob ng dalawang taon na pamamahala sa Oceana, nakay Barbara parin ang respeto ng lahat kahit na siya ang namumuno sa kumpanya. Kaya naman ngayon, papatunayan niyang kaya niyang pamahalaan ang Oceana na wala ang tulong ng bida-bidang iyon!

Isang mahigpit na yakap ang iginawad ni Celine kay Luke habang ang kanyang mga mata ay nakatanaw sa labas. At last, nanalo narin siya! Nakuha na niya ang lahat kay Barbara!

Isang simpleng apartment lang ang nirentahan ni Barbara pansamantala. Pagod siyang napasandal sa sofa habang inaalala ang sitwasyon niya ngayon. Luke and his family didn't just get the company from her, lahat ng ari-arian niya ay nakapangalan na kay Luke kaya wala ng natira sa kanya kundi ang bank account nalang na ginawa ng Mommy niya para sa kanya.

"Ano ng gagawin mo ngayon, Barbara? Don't tell me hahayaan mo nalang talaga silang angkinin ang lahat ng pag-aari mo?" Hindi makapaniwalang sambit ni Rhea, ang matalik na kaibigan ni Barbara.

Hindi niya alam kung talagang nabulag na ang kaibigan niya sa pagmamahal nito kay Luke o sadyang napurol lang ang utak nito magmula ng makilala nito ang lalaki.

Humugot ng hangin si Barbara bago umiling. Tiningnan niya ang kopya ng papeles na ibinigay ni Madam Sofia sa kanya. Hindi talaga siya naniniwala na magagawa ito ng Mommy niya. Kaya kailangan niyang malaman kung ano talaga ang totoo.

"Gagawa ako ng paraan para malinis ang pangalan ng Mommy ko, Rhea," purisgido niyang wika.

Nagawa niyang patakbuhin ang Oceana noon kahit eighteen years old palang siya at kulang pa sa karanasan kaya naniniwala siyang makakabangon siya mula sa pagkakalugmok niya ngayon.

"Pero paano mo gagawin ang bagay na iyon kung hawak na nila ang resources na magagamit mo?"

Muli siyang napatingin sa mga dokumento. Kung magmamatigas siya, sigurado siyang lalabas agad ang embezzlement ng Mommy niya. Kahit na mayaman siya, hindi rin biro ang impluwensya na meron ang pamilya ng asawa niya.

The surname Stavros itself screams immense wealth and power kahit paman hindi ang pamilya ni Luke ang nasa sentro ng Stavros Group of Companies. One wrong move, Oceana and her mother's reputation will come to an end.

"Pwede akong maghanap ng trabaho, Rhea," tipid niyang sagot.

Napatango-tango naman so Rhea. Knowing Barbara's skills, pagkakaguluhan ito ng iba't-ibang kumpanya oras na malaman ng mga ito na naghahanap ito ng trabaho.

Nang gabing iyon ay nagpahinga si Barbara kahit paman halos hindi siya dalawin ng antok. Laman parin ng isip niya ang pagtataksil ni Luke at Celine sa kanya na nagdulot ng malalim na sugat sa puso niya.

Sa mga sumunod na araw at linggo, naging abala siya sa paghahanap ng trabaho sa mga malalaking kumpanya na alam niya subalit walang isang tumanggap sa kanya.

Napatingin siya sa email na nakarating sa kanya. Kagagaling lang niya sa labas para maghanap ng pwede niyang mapasukang trabaho nang dumating ang isang balita. Her divorce with Luke has been finalized after two months. Maybe Luke had used all his connection para mapabilis ang proseso.

"Alam mo, ang mabuti pa, mag-unwind ka muna kahit saglit lang. Ipagcelebrate natin na nakawala ka na doon sa cheater mong ex-husband! Wag kang mag-alala, makakahanap karin ng lalaking nararapat para sayo," ani Rhea habang hinahagod ang kanyang likuran.

"Saan naman tayo pupunta?" Buntong hininga niyang tanong.

Hindi siya sigurado kung dapat ba niyang ipagsaya ang nangyari o magluluksa siya.

"Ako na ang bahala sa iyo," anito at hinila na siya sa kung saan.

Ilang sandali pa'y nakarating na sila sa loob ng isang high end club. Hindi siya mahilig pumasok sa ganitong klaseng lugar pero nang makita niyang tila walang problema ang mga taong naroon, parang nais niya ring gayahin ang mga ito at kalimutan ang mga bumabagabag sa isipan niya.

Nanuot sa kanyang lalamunan ang matapang na alak pero hindi nun kayang pawiin ang sakit at problemang kinakaharap niya ngayon. Sana kahit ngayong gabi lang, makalimot siya at makatulog ng maayos.

"Care to have some company?"

Napalingon si Barbara sa kanyang kanan. Dahil dim light ang ilaw sa club, hindi niya masyadong maaninag kung ano ang hitsura ng lalaki. All he could say is that, even her silhouette screams manliness and his deep baritone voice makes her imagine how handsome he is.

Oh gosh! Lasing na yata siya.

Subalit hindi lalaki ang hanap niya ngayon. She just want to drink and get wasted. "I'm sorry. I'm not interested in you," aniya at muling ibinalik ang kanyang atensyon sa alak na nasa harapan niya.

"Do you have a big problem? You can share it with me.. I won't mind," anito sa baritono subalit nakakaakit na boses.

Pero pinanindigan niya parin ang nauna niyang salita. She's not interested in him. "Look, Mister, kung gusto mo ng babae, maghanap ka ng iba!"

Subalit imbes na layuan siya, naramdaman niya ang marahan na paggapang ng mga daliri nito sa kanyang kamay na nasa ibabaw ng mesa na nagdulot ng tila libo-libong boltahe ng kuryente sa kanyang sistema. Bagay na hindi pa niya nararamdaman kahit kanino.

"But I want you... And I can make you forget everything that you have been thinking right now…”