Chapter 17

Agad na pinagbuksan ni Ely si Cory ng pinto ng kanyang sasakyan. Hawak kamay silang naglakad papunta sa bahay na inuupahan nila Cory. Nagmamadali si Ely at seryoso lang itong nakatingin sa dinadaanan nila. Lumingon si Cory kay Ely na seryosong diretso lang na nakatingin sa daan.

Kaagad na pumasok sila sa loob ng bahay. At kaagad ding hinanap ang anak nila si Calli.

"Calli" tawag ni Cory. Lumabas naman ng kuwarto si Carvie at nilapitan ang kapatid at Kuya Ely nia.

"Ate, bakit?" nagpalipat lipat ng tingin siya sa kapatid at kay Kuya Ely niya. Tinapik naman ni Ely sa balikat si Carvie.

"Kukunin ko na sila. Isasama ko na ang mag ina ko sa bahay ko" si Ely na ang sumagot. Napangiti si Carvie at tumingin sa kapatid. Tumango ng ulo si Cory. Tuwang tuwa naman si Carvie na malaman na magsasama na ang Ate niya at Kuya Ely niya. Kasama ang anak nila. Isang buo na silang pamilya.

"Sobrang masaya ako para sayo, Ate Cory. Sa wakas magkakaroon na ng totoong Tatay si Calli" masigla ng sambit ni Carvi