CHAPTER FORTY-NINE

Talaga, Travis! Talaga!

Kitang kita sa salamin na nasa gilid ko ang galit na mababakas sa mukha ko. May thirty minutes na ang nakalilipas simula nang mangyari ang lahat pero hanggang ngayon, nanunuot pa rin sa alaala ko lahat ng sinabi ko kay Travis at ang mga salitang huling sinabi niya bago sila umalis.

'I dare you to love him again, Empress'

Again?

Anong sinasabi niya?

"Hindi talaga ako makapaniwalang nag eskandalo ka, Empress," saad ni Kuya Lucho sa gilid ko dahilan upang mas lalo lang mangunot ang noo ko sa iritasyon. "Nawala lang ako ng fifteen minutes, nagkalat ka na?"

"Pwede bang huwag na muna nating balikan lahat ng nangyari kanina?"

Bahagya siyang natawa na mabilis kong inirapan. "Hindi, eh. Hindi pwede," aniya bago tuluyan nang bumaling sa akin na hindi ko naman kinibo. "Kung hindi ko pa nalaman sa babaeng nakasalubong ko kanina na may nagwala nga raw—"

"FYI, hindi ako nagwala, Kuya!"

"Iyon ang kumalat, Empress," saad niya na inismiran ko. "Bakit ka nga ba kasi nagw