EXOTIC GIRL 26 (New Beginning)

Bayan ng El Leon

"Mabuti naman hija at napag isip isip mong sumama sa akin. Sisiguraduhin ko sa 'yong hindi ka magsisisi. Alam mo dito sa mundong ibabaw dapat utak ang pinapairal hindi puro puso lang." tuwang tuwa si Tita Crisanta nang sumama ako pabalik sa kanya sa El Leon.

"Tita Crisanta, gusto ko lang po klaruhin na kaya po ako sumama hindi po para patulan si Mr. Griff, gusto ko lamang magtrabaho sa kanya kasi sabi niyo sa akin noong nasa Santa Barbara na meron siyang mga gym sa Maynila. Gusto ko din po kasing makarating ng Maynila at baka magkita kami doon nila Julia at Miana kasi doon naman sila nag-aaral. Pwede po ba na hilingin ko kay Mr. Griff na magtrabaho at mag-aral para naman po makapagtapos ako ng kolehiyo," itinama ko si Tita Crisanta baka isipin niya kaya ako sumama sa kanya para patulan si Mr. Griff.

"Pwede mong kausapin si Mr. Griff kong papayag siya tungkol sa plano mong pag-aaral. Sa trabaho naman, umabot ka naman ng high school kaya pwede ka sa opisina o kahit na