Chapter 23

Elijah's P.O.V.

Hanggang ngayon ay hindi pa rin ako makapaniwalang si Mr. Leonardo Montemayor ang ama ko. Kaya pala unang kita ko pa lang sa kaniya ay magaan na ang loob ko. Pero alam niya kaya na ako ng anak niya? Kasi mabait siya sa akin. At isa pa, gusto niya pa ngang ituring ako na anak na ang totoo pala, siya tunay kong ama.

Nagmamadali akong nagtungo sa kompanya nila Ava pero hindi ako pinapasok ng guard. Naka-ban daw ako rito. Inis akong naglakad palayo.

"Buw*sit!" Inis kong sabi.

Malamang, ang nanay na naman ni Ava ang may pakana nito. Bruha talaga ang babaeng 'yon. Masyadong mataas ang tingin sa kaniyang sarili. Matapobre ang hayop! Tinawagan ko na lang si Ava. Ilang saglit pa ay nakita ko na siyang lumabas mula sa elevator at naglakad patungo sa akin.

"Ayos ka lang ba?" Kaagad niyang tanong.

"Oo. Epal talaga 'yang nanay mo. Na-ban pala ako dito? Ano bang problema niya? Sakit siya sa ulo!"

Hinawakan ako sa kamay ni Ava. "Hayaan mo na. Pinagdarasal ko na lang na mapagod siy