Chapter 24

TUMIGIL ako sa paglalaro. Ibinigay ko kay Kid ang taco at maligaya naman niyang tinanggap iyon. Kahit na umangal si Lance sa ginawa ko ay mas nangibabaw ang determinasyon ni Kld na manalo kay Lance.

Umupo ako sa tabi ni Bea. Naka ngiting aso siyang pinapanood ako sa gilid ng aking mga mata. Hindi naman ako makatingin sa kanya dahil naka pirmi ang titig ko sa kay Lance na tuwing nakaka score ay sumusulyap at ngumingisi sa akin.

Yabang!

"Kid!" Sigaw ni Bea sa seryosong tumitirang si Kid.

Nilingon siya ni Kid pagkatapos tumira at naka score. "Bilisan mo na diyan, mas mabilis kang matapos, mas makakapag usap kayo ni Elisia."

Ngumuso agad si Lance sa narinig kay Bea.

Sumang ayon si Kid kay Bea, dahilan kung bakit mas lalong lumaki ang ngisi ni Bea pabalik sa akin. Umiling ako sa kanya ngunit wala na yata talagang makakapigil sa bibig niya.

Nakita kong hinaplos ni Jacq ang braso ni Lance. May binulong siya sa tainga ni Lance pagkatapos ay ngumisi. Hindi man lang natinag ang ekspresyon nl La