Chapter 7

“Anong pang-uuto ang ginawa mo kay Mama?” mabalasik na tanong ni Tristan kay Gaile pagpasok pa lang niya ng kwarto.

Napamaang naman si Gaile sa lalaki lalo na't madilim ang anyo nito. Halatang nagtitimpi lang ito ng galit

Naglakad ito palapit sa kanya habang niluluwagan ang suot na necktie.

Dinakot naman ni Gaile ang bedsheet ng kama dahil sa sobrang kaba. Nakaupo siya sa gilid ng kama at hindi alam ang gagawin kung lalabas ba o mananatili sa loob ng kwarto. “H-hindi ko alam ang sinasabi mo, u-uncle,” nauutal niyang tugon.

“Nakuha na ninyo ang kumpanya. Naibalik na sa pangalan ng mga Cuevaz ng walang kahirap-hirap. Masaya ka na ba?” hinaklit nito ang braso niya kaya napatayo siya dahil sa sakit.

“U-Uncle... Hindi ko alam kung bakit ginawa 'yon ni Gra– ni Mama,” aniya habang nakangiwing pilit inaalis ang kamay nito sa braso niya. “Please, nasasaktan po ako, uncle,” aniya habang maluha-luha.

Lalong nagdilim ang mukha ni Tristan. Binalya siya nito sa pader bago dumapo ang kamay sa leeg niya. Pinilit niyang baklasin iyon pero tila bakal ang kamay nito.

“Alam mo ba kung magkano ang binayad namin para mabili ang bankrupt na kumpanya? Alam mo ba kung magkano ang utang ng ama mo? Alam mo din ba kung gaano kalaki ang pinasok naming pera sa kumpanya ninyo para makabawi sa mga nawaldas ng Papa mo?” mabalasik nitong tanong.

Mariin nitong hinawakan ang baba niya ng isang kamay, ang isang kamay naman nito ay ipininid ang mga kamay niya pataas. Napakalapit ng mukha nito sa mukha niya, hindi niya kayang salubungin ang galit nitong mga mata.

Mariing napakagatlabi na lamang si Gaile bago marahang umiling.

“Alam kong may ideya ka! Tapos ngayon, nasa pangalan na ulit ng mga Cuevaz ang kumpanya. Pag-aari na ninyo ulit ito at ang tanging kabayaran ay ikaw?” wika nito sa tapat ng tenga niya.

Ramdam niya ang mainit nitong hininga na dumadampi sa leeg niya.

“Ganoon ba kalaki ang halaga mo pra mabura lahat ng utang ninyo?” bulong pa nito.

“S-Sorry... I-ibabalik ko na lang ang kumpanya sa i-inyo,” nauutal na wika niya. Halo-halong emosyon ang nararamdaman niya habang magkadikit ang mga katawan nila. Hiya, takot, nerbyos kaya naman halos lumuwa na ang puso niya sa kinalalagyan nito.

“Tingin mo papayag si Mama? Hindi na niya babawiin ang naibigay na niya,” paos na wika nito bago dinampian ng halik ang leeg niya. Napasinghap siya at napakagat labi dahil sa taas ng tensyon sa pagitan nila.

“A-Anong gusto mong gawin ko?” tanong niya bago mariing napapikit. Paano'y nasa tenga na niya ang labi ng lalaki at marahang kinakagat iyon.

“Paano mo babayaran ang utang ng pamilya mo? Sapat bang kabayaran ang kasal lang? Ano ang kaya mong ibigay, Hailey Gaile?” tanong ni Tristan habang pinararaanan ng maliliit na halik ang nakalitaw niyang balikat.

Pagkatapos ay tumingin ito sa mukha niya. Naroon pa rin ang galit pero may kislap na ng pagnanasa ang mga mata nito. Kinagat ni Gaile ang ibabang labi dahil nate-tense siya. Dahil doon ay lalong nag-alab ang pagnanasa sa mga mata ni Tristan. Mariin niyang sinakop ang bibig niya. Nanlaki ang mga mata niya sa gulat habang magkalapat pa rin ang bibig nila.

Banayad ang galaw ng labi nito at naaakit siyang tugunin ang bawat halik pero hindi niya alam kung paano dahil iyon ang first kiss niya.

Mas lumalim pa ang mga paghalik ni Tristan sa kanya. Hindi siya makapaniwala na ang lalaking lihim niyang tinatanaw noon ay hinahalikan na siya ngayon.

Iyon nga lang, ang halik nito ay hindi bukal sa puso kundi isa lang paraan ng parusa. Gusto nitong saktan siya at angkinin na walang halong pagmamahal. Dahil sa naisip ay tila binuhusan siya ng malamig na tubig.

“Uncle, please don't,” aniya nang lumipat sa leeg niya ang mga labi nito.

Natigilan naman ang lalaki, lumuwag ang pagkakahawak nito sa mga kamay niya.

“Shit!” bulalas ni Tristan bago marahas na inilayo ang katawan. Tila ba nandidiri sa pagkakalapit nilang dalawa.

Nayakap naman ni Gaile ang sarili habang sunod-sunod ang pagluha. Nanlalambot ang tuhon niyang napadausdos siya paupo. Muntik na siyang bumigay sa lalaking wala namang pagmamahal sa kanya.

“Get up. Huwag kang umarte na parang aping-api ka. Ano ba ang pagkakaiba mo sa bayarang babae? Hindi ba nagpakasal ka lang naman para sa pera?” panghahamak pa nito.

“Pwede ka naman tumanggi pero pumayag ka din! Hindi ko naman hiningi sa 'yo na pakasalan mo ako kapalit ni Cedric!” hindi niya napigilang ibulalas dahil sa sobrang sama ng loob.

Lalong nag-igting ang panga ng lalaki. Hinila siya nito patayo habang nagliliyab sa galit ang mga mata.

“Ginawa ko 'yon para kay Mama! Ayaw kong atakihin siya sa puso sa araw ng kasal! Lalo na't binablackmail siya ng Papa mo! Drinamahan nila si Mama at gusto pang kuning compensation sa nasirang kasundan ang kumpanyang nabili na namin! Shit– hindi ko alam kung bakit iniisa-isa ko pa sa 'yo ang mga dahilan!” naiiling na singhal nito bago marahas na binitiwan ang balikat niya. Na-out of balance siya at tuluyang na-twist ang uncle niya.