Chapter 35

BRANDON

IT’S been a few days since Lola got out of the hospital pero hindi pa rin ako pinatatahimik ng mga sinabi niya sa akin. Si Kelly ang nasaktan noon sa ginawa ni Mommy at kung hindi ko pa sila aksidenteng narinig na nagtatalo ni Ate ay hindi ko malalaman ang totoo. I was so angry with them dahil alam pala ng kapatid ko ang tungkol doon pero wala siyang sinabi sa akin.

Pero higit ang galit ko kay Mommy dahil tinakot niya si Kelly at ginamit ang ama nito para makuha ang gusto. What would a sixteen-year-old supposed to do? Planong i-blackmail ni Mommy at kasuhan ng theft si Tatay. Madali lang daw niyang palabasin na kinuha nito ang pera nang walang pahintulot, pero ang totoo ay binibigyan niya. She planned everything so that Kelly would leave me. Bakit nga naman ako pipiliin ni Kelly kaysa sa kaniyang ama?

“Bran, nakikinig ka ba? Kanina pa ’ko daldal nang daldal dito pero lutang ka,” natatawang wika ni Kelly sa akin.

“I’m sorry. May iniisip lang ako. Ano’ng sabi mo?” Kinuha ko a