Chapter 37

BRANDON

BEFORE I could say another word, the other guys came. Nakahinga ako nang maluwag nang senyasan niya ako na mamaya kami mag-usap kapag kami na lang ang magkaharap. Pero panandalian lang pala ’yon dahil ilang minuto lang ay dumating sina Kelly.

My heart raced at pakiramdam ko ay aatakihin ako sa kaba.

“Ang putla mo. May sakit ka ba?” May kalakip na pag-aalala ang tanong niya sa akin. I saw Flynn looking at us. Nabaling lang ang atensiyon niya kay Vicky nang lumapit ang asawa sa kaniya.

I smiled at Kelly. “Hindi lang ako masyadong nakatulog kagabi, but I feel okay.” Hinawakan ko ang kamay niya.

Mataman niya akong tiningnan. “You’re not having cold feet, are you?”

“What? Of course not!” Niyakap ko siya nang mahigpit at hinalikan sa tuktok ng kaniyang ulo. “You’re overthinking again.” Hinagod ko ang likod niya para pakalmahin siya. “By the way, my sister is arriving this Friday. Susunduin ko siya sa airport.”

Nag-angat siya ng mukha at tipid na ngumiti. “I’m glad she’s coming.”