Chapter 18: Thank You

Nakailang yuko na si Sgt. Markus Clemente sa harapan ni Yanna. Humihingi ito ng paumanhin sa kanya nang paulit-ulit.

Siya naman ay hindi magkandaugaga. Nahihiya na kasi siya sa mga taong tumitingin sa kanila. "S-Sir, tama na po. Wala po kayong kasalanan. Please po... pinagtitinginan na po tayo ng mga tao..." nahihiyang sambit ni Yanna.

"Hija, hindi ko mapatawad ang sarili ko! Napaka-incompetent ng mga alaga ko rito sa presinto. Kung hindi namin ito aaksyunan ay siguradong mananagot kami!" nag-aalalang turan nito.

Hindi lang makapagsalita si Yanna ngunit may ideya na siya kung sino ang nasa likod ng biglaang pagpapakumbaba ng mga pulis sa kanya, lalo na ni Sgt. Clemente.

"Oh, siya! Nariyan na raw ang iyong sundo, Ms. Del Valle. Pasensya na po talaga sa abala..." anito.

"S-salamat po..." Nagpaalam na si Yanna sa matandang pulis at tumulak na sa labas. Nakita niya ang family driver ni Alessio. Naroon din si Mang Tope na kumakaway sa kanya.

Agad na siyang sumakay sa kotse at napasandal sa