Chapter 17: Ring

Tumulak si Yanna sa isang mall. Sa loob ay may isang malaking accessory store doon. Ang pangalan ng store ay Diamond. Isa ito sa pinakasikat na luxury store sa bansa. Hindi pa niya nasusubukan na bumili rito dahil hindi naman siya mahilig sa alahas.

Pagkapasok niya sa store ay bumungad sa kanya ang isang empleyadang nakapangalumbaba. Wala itong gana sa pagbati sa kanya.

Nagsimula na siyang mamili doon sa may istante. Halos malula siya sa dami ng magagandang singsing. Hindi tuloy niya alam kung ano ang kanyang pipiliin. Sa tuwing titingnan naman niya ang mga presyo ng mga ito ay gusto na lang niyang himatayin. Hindi niya kayang bilhin ang mga singsing na naroon.

"May napili na po ba kayo, Ma'am?" walang ganang tanong ng babae sa kanya.

Tumitingin pa rin si Yanna hanggang sa may mahagip siyang sising na kakaiba. Napaturo siya doon at hinarap ang empleyado. "Ito, miss. Pwede ko bang makita?"

Isa iyong diamond-studded na singsing. Naka-shape itong constellation Orion. Ang Orion ang pinaka