Kabanata Labing-Lima

Hindi agad nakapag-preno si Clark kaya’t mabilis niyang iniiwas ang sasakyan.

At dahil mabilis ang kanyang takbo ay hindi naiwasang sumadsad siya sa gilid ng daan.

Ang dalagita naman ay tila nagulat sa bilis ng pangyayari.

Animo natuklaw ng ahas na hindi nakakilos sa labis na pagkabigla.

Nanlalaki ang mga matang sinundan nito ng tingin ang sasakyang sumadsad sa gilid ng kalsada. Lumarawan ang takot sa maliit nitong mukha.

Mabuti na lamang at hindi diretsong nahulog ang sasakyan sa palayan. May kalaliman pa naman ito.

Marahan na humakbang patungo sa may driver side at sumilip sa salaminng bintana ang dalagita nang makabawi. Nag-alalla ito sa nasa loob ng sasakyan pagka’t nakalugmok ang driver sa may manibela.

Kinabahan ang dalagita.

Agad na lumipat ang mga mata nito sa bandang leeg ng lalaki. NaPansin niya agad ang marahang pintig niyon.

Kaya naman nabuhayan sya ng loob, nagpasya na syang katukin ng malakas ang bintana ng sasakyan upang mapukaw ang pansin ng lalaki.

Un