Tour

Bahagyang natigilan si Luisa sa tanong na iyon ni Christian. Naalala nya bigla iyong pagkakataon na nagkasabay sila sa pagkain sa canteen kung saan humingi ito ng permiso na samahan siya na i-tour ito sa buong unibersidad. Kinuha pa nga nito ang cellphone number niya para kung sakali ay tawagan siya nito. Nang makabawi, ngumiti siya. Kitang-kita niya ang pagtitig ni Christian sa kaniyang mga labi. Hindi na lang niya pinansin ang ginawa nitong iyon pero ang totoo, nakaramdam siya ng parang may nagliliparang paro-paro sa kaniyang tiyan.

"Ahm.. Opo sir, pwede po kitang samahan mamaya pagkatapos po ng huli kong klase," aniya habang nakatitig sa mga mata nitong mapang-akit.

Ngumiti ito. Lumitaw tuloy ang mapuputi at pantay-pantay nitong ngipin. Napaisip tuloy siya kung anong toothpaste brand ang gamit nito at iyon ang gamitin niya.

"Okay, salamat. Tawagan na lang kita mamaya. See you later, Luisa," anito at tumalikod saka naglakad palayo sa kaniya.

Napatitig siya sa likod nito. Malaking