7 - Ang Pechay ko!

Sinundan siya ng malamig na tingin ni Gideon habang papalayo siya at paika-ikang pumasok sa banyo. Pero sa ilalim ng titig nito, nakita niya ang gulat. Siguro iniisip nito na aatras siya agad nang hindi siya nito pinatabi sa kama at hinayaang sa sahig matulog.

Inisa-isa niyang tinanggal ang kaniyang mga saplot at sinimulan buksan ang shower. Mabuti na lang at may heater kaya medyo kumalma ang kaniyang puso at utak.

“Kuuh! Kung hindi ko lang habol ang perang ibabayad ng mga Masterson, at hindi ka lang gwapo… hinding hindi ako—ay!” Hindi niya namalayang may sabon pala sa sahig. Naapakan niya ito at bigla siyang nadulas.

“Aray!” napangiwi siya.

Bakit naman ganito, Lord?

Pinilit niyang bumangon pero hindi niya magawang igalaw ang katawan. Kung minalas nga naman, mukhang nabalian pa nga siya ngayon.

Gusto niyang umiyak.

“Are you okay there?” Si Gideon.

“K-kung okay ang pagbabasihan ng tanong mo, of course hindi!”

“Dalian mo diyan maligo at nang makaalis ka na.” Malamig naman nitong sagot.

Napakagat na lang siya ng labi. Gustuhin man niyang igalaw ang katawan pero wala talaga. Para siyang naparalisado. “G-gideon… patulong. Na-slide ako. Hindi ako magalaw.”

 “If you fall, just get up.”

Nagkukot ang kalooban niya at naiinis sa naging sagot nito. Kung kaya lang niyang bumangon, hindi na siya tatawag rito!

“Hindi nga ako makagalaw! Hindi ako tatawag sa ‘yo kung simpleng slide lang ‘to, ano.” Pero pinipilit pa rin niyang bumangon or kahit abutin man lang ‘yong tuwalya pero wala talaga. Naiiyak na lang siya sa kaniyang sitwasyon.

Siguro inisip ng lalaki na mabuti nga at nangyari ito sa kaniya. Kaya siguro di ito agad makasagot. 

“Gideon! Kapag ako namatay rito talaga— ay!”

Awtomatiko siyang natigilan nang biglang bumukas ang pintuan. Isang sipa ang ginawa nito para bumukas. 

Akmang papagalitan na sana siya nito nang dumeretso ang tingin ng lalaki sa katawan niya—na tanging dalawang kamay lang ang nakatakip.

Jusko! Nakakahiya. Biglang nag-init ang kaniyang mukha at gusto niyang lamunin ng lupa. Hubo’t hubad siya sa harapan nito at FYI, virgin na virgin pa siya.

“T-tulungan mo naman ako please,” muli niyang pakiusap dito. Pinilit pa niyang iangat ang sarili mula sa sahig, pero matinding kirot lang ang sumampal sa kaniya.

Madilim ang mukhang lumuhod ito at walang sabing binuhat siya na parang isang papel. Oh my god! Sa kalagayan nito na may sakit, sobrang lakas naman nito at nakaya pa siyang buhatin. 

Kapagkuwan ay napatitig siya kay Gideon. Pansin niya ang paglunok nito ng laway at pagkislot ng katawan nito sa pagkakabuhat sa kaniya. Lihim siyang napangiti… ibig sabihin, na-aattract ito sa kaniya ngayon?

“Stop staring at me kung ayaw mo ibagsak kita sa sahig,” banta nito.

Napalabi na lang si Mariette at kasabay no’n ay ang marahan na pagbagsak ng kaniyang katawan sa malambot nitong kama.

Nakalimutan niya saglit na hubo't hubad nga pala siya nung abutin ni Gideon ang kumot at itinakip sa kaniyang katawan.

“Salamat.”

Kahit ang totoo gusto niya ulit lumubog. Bakit kasi ang tatanga tanga niya minsan. Ngayon, nakita na ni Gideon ang kaniyang katawan.

Kaagad naman tumalikod ang lalaki at inabot nito ang cellphone. May tinawagan. “Pumunta ka sa Masterson mansion. No, not me… yeah.” Pagkatapos, binaba nito ang tawag at tinapunan siya ng malamig na tingin.

Sa paraan ng tingin ni Gideon, mukhang lalamunin siya nito ng buo sa kaniyang pagkatanga. Maaga niyang nabwesit ito.

Hinuha niya, isang doctor ang tinawgaan nito at hindi siya papayag na walang saplot pa rin siyang eksaminin ng Doctor, no. 

Kaya kahit nakakatakot ang presinsya ni Gideon, pilit siyang ngumiti dito at nakiusap.

“Ah, Gideon… Pwede pakuha ng damit?”

Pero hindi ito natinag.

“Kung may makakita sa akin nang ganito… baka isipin nila naglovey dovey tayo sa kama at—”

“Shut up.”

Kaagad itong tumalikod at pumasok sa banyo. May dala na itong damit pambabae at hinagis nito sa mukha niya.

Napanguso siyang kinuha niya iyon. At nagsimulang magbihis. Nakakatawa ngang isipin dahil sa banyo ni Gideon, may mga pambabaeng gamit doon. Paniguradong ang donya ang may pakana. May mga damit pambahay, toiletries, at kahit underwear na ka-size pa niya. 

Pang-itaas pa lang ang nasuot niya at bra. Nung sa baba na para magsuot ng pants, hindi niya magawang igalaw ang katawan dahil biglang sumugod ang kirot. Napangiwi siya nang wala sa oras.

Sa huli, tinitigan na lang niya si Gideon na parang nakikiusap na tulungan siyang magsuot pero mas lalong nagdilim ang mukha nito.

“Pwede mo ba akong tulungan dito?” napangiwi siya pero tinalikuran lang siya ni Gideo at akmang iiwan sa silid na iyon nang muli siyang magsalita. “Kung nandidiri ka sa ‘kin, kahit isipin mo na lang na isa mo akong tita... auntie... lola, kapit-bahay or katulong!”

Napabuntong-hininga naman ito sa kaniyang sinabi at walang sabi na bumalik ito at walang sabi na biglang hinila ang kumot at lumantad ang kaniyang pang-ibaba.

“Jusko naman, Gideon! Alam mo naman w

ala akong panty.” Mabuti na lang at mabilis niyang natakpan ang kaniyang pechay.