CHAPTER 17: DAY 4 IN PALAWAN (Part II)

WARNING: Matured Content| R18+

Pinahid ni Yelena ang luha sa mga mata. Dahan-dahang tumayo at sa pasuray-suray na paraan ay tinungo niya ang sariling kuwarto.

Pabagsak niyang nilatag ang sarili sa higaan. Ipinailalim niya sa kumot ang hubad na katawan. Nang maramdamang tutulo na naman ang mga luha ay isinubsob niya ang mukha sa malambot na unan.

Napahiya siya— kay Angelo dahil umasa siya na ang magandang pakikitungo ng lalaki sa kaniya ay sinyales na gusto siya nito. Sadyang mabait lang pala talaga ito; at sa sarili niya. Mataas ang tingin niya sa sarili, ano at bigla siyang nagpakababa? Gano'n na ba talaga siya kadesperada?

Inangat niya ang mukha upang huminga ng malalim.

What now? Maiilang na siyang humarap kay Angelo, pati rin ito. Baka hindi na siya nito pansinin.

Her heart ache at the thought.

Muli siyang napahikbi. Pilit niyang inutusan ang kaniyang sarili na huwag ng umiyak at masaktan.

"Lena..."

Napakislot siya nang bumukas ang kaniyang pintuan. Sa kaniyang nanlalabong mata a