KABANATA 22

ANG SAYA–SAYA NI Ross nang makarating sila sa school nito. Mabilis na lumapit ito sa mga kaibigan nito at masaya silang pinakilala. Nakakahawa ang saya ng bata. Nakakatuwa.

Pareho sila ng kulay ng T–shirt na tatlo, light pink kasi ang assigned color sa team kinder 1 and 2. May naka print na Family Day sa harap ng T–Shirt na may kasama pang pangalan ng eskwelahan ni Ross. Pareho silang naka itim na pantalon ni Rave at white shoes. Itinali niya ang buhok sa likod dahil medyo mainit. Nakasuot naman ng kulay maroon na cap si Rave na kapareho kay Ross.

Dala–dala niya ang Nemo backpack ni Ross. Nasa loob na ang pamalit na damit ng bata at water bottle nito. Mula sa baby powder at mga iba pang kailangan ni Ross ay nakahanda na. Hinayaan na muna nila si Ross sa mga kaibigan nito at dumiretso na sila sa registration table. Si Rave na ang nagsulat sa mga pangalan nila. Nang iabot sa kanya ni Rave ang ballpen nagtaka ito nang matigilan siya.

“