CHAPTER FIFTY-THREE

Mabilis akong nakalakad palayo at pumara ng isang puting taxi.

Hinanap ko muna ang I.D niya at tiningnan ang operator ng taxi.

Nadala na kasi akong magsasakay basta basta ng hindi tintingnan ang driver at operator nito.

May sasakyan ako pero hindi ko dinala dahil sumabay ako sa sasakyan ni Carol kanina. Kasabay din namin sina Joan at Shiela.

Ang akala ko pa naman ay magiging maayos ang araw na ito ng pamamasyal namin at makakapamili kami ni Dave ng gamit para sa baby namin.

Pero ano 'tong nangyari sa'min? Isang binatang lalaki na halos dalawang taon lang ang tanda ko sa MARVIN na iyon na sinasabi niyang anak niya!

At tinatawag siyang PAPA! Napahawak ako sa noo ko sa isiping iyon.

Nagtaka naman ang matandang driver. Hindi ko pa pala nasabi sa kanya kung saan ako punpunta at basta ko na lang siya pina andar dahil nakita ko si Dave na lumabas ng mall.<