KABANATA 25

Nakausap na siya ng Tita Janese niya nang masinsinan. Hindi maikakaila ang kasiyahan nito nang yakapin siya dahil sa wakas ay magiging anak na rin daw siya nito.

Ang balak niya sana ay ito naman ang kumbinsihin na umatras sa kasunduan nila ng Mommy niya pero hindi niya maatim na alisin ang ngiti sa mga labi nito.

Excited na excited na raw ito na tawagin din niyang Mama. Medyo nadismaya pa nga raw ito na hindi sa simbahan ang kasal nila. Ilang years nitong pinaghandaan ang magiging kasal nila ni Sky, at kung ito lang ang masusunod ay gusto nito ng engrandeng kasal sa simbahan.

Nagtaka nga ito nang kausapin ng parents niya para sabihing sa huwes daw muna sila ikakasal. Ayaw lang daw ng mga magulang niya na maapektuhan ang pag-aaral nila ni Sky sa paghahanda nila sa kasal lalo pa't graduating na si Sky sa taong iyon.

Naging emosyonal din ito kaya't hindi na niya naituloy ang binabalak sabihin. Ngayon niya naiintindihan kung bakit hindi makatutol si Sky sa kasunduang iyon.

Namumugto ang m