KABANATA 24

Biyernes pa lang pagkatapos ng last subject niya ay pinauwi na siya ng Mommy niya sa Tarlac. Napapangiting-napapailing siya dahil alam niyang excited na excited ito sa debut niya sa Linggo.

Kung siya lang talaga ay ayaw niya ng malaking party. Okay na sa kanya ang mag-bar hopping kasama ang mga barkada niya. Sa katunayan ay iyon sana ang plano nila nang gabing iyon kung hindi lang siya pinapauwi ng Mommy niya.

Sinundo siya ng driver nila. Si Audrey ay hindi niya masyadong nakikita sa bahay nila halos isang linggo na. Hindi naman siya nagtatanong. Sabi ni Manang Lolita ay dumating daw ang kapatid ng ama nito galing Australia. Siguro kasama ni Audrey ang Tita nito sa side ng ama nito.

Ipinagkibit-balikat niya na lang iyon. Hindi naman kasi na bumalik ang dati nilang closeness. Ni hindi na nga sila halos nag-uusap.

Napasilip siya sa bintana ng kotse nang sa daan pa lang papasok ng hacienda nila ay may mga nakikita na siyang mga palamuti. Mukhang pinaghandaan talaga ng parents niya ang de