KABANATA 28

Sky's POV

"You want a fake marriage? Tama ba ang pagkakaintindi ko, iho?" Halos hindi alam ng Tita Laurel niya, ang Mommy ni Braille kung ano ang magiging reaksiyon.

Nasa harap siya ng mga magulang ng babae. No'ng isang linggo lang siya kinausap ng Mama niya. Binuksan na uli nito ang tungkol sa paksa ng kasunduang kasal nila ni Braille.

Sumang-ayon lang siya sa lahat ng sinabi nito. Napag-usapan na pala nila ng Mommy ni Braille na sa mismong eighteenth birthday nito itatakda ang kasal nila. May anim na buwan pa ang natitira para sa ora-oradang preparasyon.

Ang plano ay sa simbahan sa Tarlac kung saan parehong ikinasal ito at ang Tita Laurel niya sila ikakasal ni Braille.

Tumango-tango lang siya. Napagdesisyunan na rin niyang tanggapin ang kasunduang iyon ng mga ina nila.

Pero may pinaplano rin siyang gawin at hindi niya alam kung paano niya iyon sasabihin sa mga magulang ni Braille.

Baka masuntok pa nga siya sa mukha ng ama nito dahil iisipin nitong madedehado ang anak nila dahil ito