KABANATA 30

Bitbit niya lang ay isang bag habang nanatiling nakatayo sa gitna ng sala ng condo ni Sky. Si Sky naman ay tinutulungan ng driver ng mga ito na si Mang Johnny sa paghahakot ng mga gamit niya.

Tatlong malalaking bags at isang backpack na bitbit niya ngayon ang mga dala niyang gamit.

Last week ng first semester nila pero dahil tapos na ang final exam nila ay pwede na silang huwag pumasok talaga. Busy na rin kasi ang mga guro nila sa ibang gawain. Pina-prioritize na ng mga ito ang mga estudyanteng posibleng babagsak sa subjects nila.

Kadalasan ang mga estudyanteng iyon lang ang pumapasok sa week na iyon para hanapin ang mga guro nila para magmakaawa o humingi ng ibang projects para maipasa ang subject.

Ang gusto ng mommy niya ay samahan sana sila ni Sky pabalik ng Maynila para makita ang condo ng lalaki pero pinigilan na ito ng daddy niya. Alam niyang gustong siguraduhin ng mommy niya kung magkakahiwalay nga ba sila ng tulugan ni Sky.

Mas lalo siyang natigilan habang nakatingin lang dito