KABANATA 31

Tatlong beses na kumurap-kurap ang mga mata niya na halatang antok na antok pa. Nakaharap siya sa cabinet habang nakahiga nang patagilid.

Biglang dumilat na nang tuluyan ang mga mata niya nang ma-realize na hindi niya cabinet ang tinititigan niya.

Tumihaya siya habang inilibot ang paningin sa loob ng kwarto. Napabalikwas siya ng bangon nang maalalang kwarto nga pala ni Sky iyon, at kama nito ang hinihigaan niya.

Napangiti na lang siya nang maisip na kaya siya ando'n dahil mag-asawa na sila nito. Napatingin siya sa nakasarang pinto ng kwarto. Nasa labas si Sky. Sa sala nga ito natutulog.

Gusto niyang puntahan ito at silipin kung maayos ba ang pagkakahiga nito pero baka magising ito.

Napatingin siya sa oras. Malapit nang mag-alas singko ng umaga. Kailangan na niyang bumangon para maipagluto si Sky. Papasok pa kasi ito sa opisina sa kompanyang pag-aari ng pamilya nito.

Kaya nga kahit bakasyon sa school ay wala namang bakasyon si Sky.

Dapat nga ay honeymoon nila, eh. Binigyan sila ng Mama