CHAPTER 6

NANG makarating si Trevor sa coffee shop ay inabutan niya si Scarlett na nakikipagtalo sa isang lalaki. Galit na galit ito sa dalaga na noon ay tila napapahiya na dahil kung ano-anong masasakit na salita ang sinasabi rito ng kausap.

"Napakalandi mong babae ka! Kaya pala ayaw mong magpasundo kagabi iyon pala nakitulog ka sa bahay ng ibang lalaki."

"Wala akong alam sa mga pinagsasasabi mo!"

"Sinungaling! Ano? Nag-enjoy ka ba sa lalaki mo? Naka-ilang rounds kayo? Mas magaling ba siya sa kama kaysa sa akin? Mas malaki ba ang k*****a niya kaysa sa akin? Sumagot ka!"

Pinamulahan ng mukha si Scarlett. "Will you please shut up?! Oras ng trabaho ko ngayon. Mamaya na lang tayo mag-usap pag-uwi ko."

"Uuwi ka ba talaga? O makikipag-sex ka na naman sa lalaking iyon? Nakakahiya ka! Kababae mong tao pero ang landi-landi mo!"

Tuluyan nang nainis si Trevor sa takbo ng usapan ng dalawa. Sinenyasan niya ang guard na nasa pintuan para awatin na ang mga ito.

"Is there a problem?" hindi napigilang tanong ni Trevor habang naglalakad palapit sa mga ito.

Naiinis na siya sa tabas ng dila ng lalaki. Masyado nang bastos ang mga lumalabas sa bibig nito. May mga customers pa naman siya na mga bata at teen ager.

Pumihit paharap sa kaniya ang lalaki. Nagsalubong ang mga kilay nito nang makita siya. Pinagmasdan siya nito mula ulo hanggang paa.

"Ito ba ang boss mo, Scarlett? Ito ba ang lalaking pinagmamalaki mo?" galit nitong tanong. Sa sobrang lakas ng boses nito ay nagtinginan sa direksyon nila ang mga customers na nasa loob ng coffee shop ng mga sandaling iyon.

Lumapit sa kaniya ang lalaki. Kinuwelyuhan siya nito at pinanlisikan ng mga mata. "Putang ina mo! Layuan mo ang girlfriend ko kung ayaw mong manghiram ng mukha sa aso!"

Nginisian niya lang ang pagbabanta nito.

"Ikaw ang manghihiram ng mukha sa aso kapag hindi mo inalis ang kamay mo sa damit ko."

Bago pa lumala ang away ng dalawa ay umawat na si Scarlett. Pinilit nitong alisin ang mga kamay ng nobyo sa kwelyo ng polo ni Trevor.

"Tommy, tama na! Nakakahiya kay Sir Trevor. Ilang beses ko bang sasabihin sa 'yo na wala kaming relasyon?"

"Sinungaling! Alam kong natulog ka sa bahay ng lalaking iyan kagabi. Sinundan kayo ng barkada ko."

"Galingan mo kasi sa kama para hindi maghahanap ng ibang lalaki 'yang syota mo!" nang-iinis niyang anas na lalong kinagalit ni Tommy.

"Hayop ka!" Susuntukin sana nito si Trevor ngunit pumagitna si Scarlett. Umawat na rin ang security guard para hindi magpang-abot ang dalawa.

Dinuro niya ang lalaki. "Ayoko nang makita pa ulit ang pagmumukha mo sa coffee shop ko."

"Ang yabang mo porket mayaman ka."

Bumaling siya kay Scarlett. "Pagsabihin mo iyang boyfriend mo. Sa susunod na manggulo 'yan dito, tatanggalin kita sa trabaho. Saka p'wede ba tigilan mo na ang kakabuntot sa akin?"

Sandaling natigilan si Sacrlett. Halatang nasaktan ito sa sinabi ng lalaking lihim na iniibig. Napatungo na lamang ito.

"Yes, boss. Sorry po."

Naglakad na si Trevor papunta sa loob ng kaniyang maliit na opisina.

"Bumalik ka rito, duwag! Hindi pa ako tapos sa 'yo!"

Hindi na lang niya pinansin si Tommy. Sa totoo lang ay kanina pa niya gustong sapakin ang mukha nito subalit pinigilan niya ang sarili. Ayaw niyang patulan ito dahil nasa loob sila ng coffee shop at baka matakot ang mga customers nila kapag nagpang-abot silang dalawa.

Teen ager pa lang ay basagulero na si Trevor. Simula nang mamatay ang kaniyang ina ay naging rebelde siya. Galit siya sa mundo dahil hindi niya matanggap ang sinapit ng mommy niya. Teen ager pa lang ay natuto na siya ng kung ano-anong bisyo tulad ng sigarilyo, alak, sugal, drugs at pambababae. Walang nagawa ang Tito Christian niya para disiplinahin siya. Hindi siya nakikinig sa mga pangaral nito.

Nagbago lang si Trevor noong maka-graduate siya ng college. Malaki ang perang naiwan ng kaniyang yumaong ama kaya madali siyang nakapagpatayo ng sarili niyang coffee shop. Gusto niyang maging successful businessman para magkaroon ng mas maraming pera. Nang sa gano'n ay mas madali niyang maisakatuparan ang planong paghihiganti sa taong pumatay sa kaniyang ina.

Naging successful naman ang business niya. Sa ngayon ay may tatlong branch na ang coffee shop niya sa Manila, Makati at Quezon City. Isang bagay na lang ang kailangan niyang isakatuparan, at iyon ay walang iba kundi ang makaganti kay Carlos Ocampo.

ARAW NG SABADO kaya naman pasado alas-onse na ng madaling araw ay puno pa rin ang coffee shop ni Trevor. Nakapag-take na sila ng last orders at hinihintay na lang nilang maubos ang mga customers sa loob ng shop. Tumulong na siya sa paglilinis sa counter para maaga silang makatapos at maka-uwi rin agad.

Maya-maya ay lumapit sa kaniya si Scarlett.

"Trevor, sorry sa nangyari kanina. Nakipag-break na ako kay Tommy. Masyado na akong nasasakal sa kaniya," halos pabulong nitong wika.

Pinagpatuloy lang ni Trevor ang paglilinis ng espresso machine. Pagkatapos ng nangyaring gulo kanina ay nawalan na siya ng gana kay Scarlett. Sa dinami-rami ng naging babae niya ay isa ito sa pinaka-wild at pinakamagaling sa kama. Iyon nga lang ay ayaw niya ng gulo kaya naman lalayuan na niya ito.

"Kalimutan mo na 'yon. At kalimutan mo na rin ang lahat nang namagitan sa ating dalawa."

Tila naguguluhan itong tumingin sa kaniya. "Ano? B-bakit?"

Tinigil niya ang ginagawa at bumaling sa dalaga. Nakita niyang maluha-luha ang mga mata nito.

"Sawa na ako sa 'yo, Scarlett. Ibang putahe naman ang gusto kong tikman," walang preno niyang wika kahit na alam niyang masasaktan ito sa mga salitang binitawan niya. Sinadya niya talagang pasakitan si Scarlett para magalit ito at kalimutan na siya.

"Pero, Trevor, mahal kita. Please huwag mo akong iwan."

Nginisian niya ang dalaga. "Umpisa pa lang sinabihan na kitang hanggang sex lang ang habol ko sa iyo, 'di ba?"

"Alam ko naman 'yon. Tanggap ko naman na hindi mo ako kayang mahalin. Okay lang kahit hanggang FUBU lang ang tingin mo sa akin. Basta 'wag mo akong iiwan. Mahal kita, Trevor, kahit na alam kong hindi mo ako kayang mahalin."

Yayakapin sana siya ni Scarlett subalit agad niyang iniwas ang sarili. Naiinis na pinukol niya ang hawak na towel sa ibabaw ng espresso machine. "Kung gusto mong magtagal sa trabaho mo rito, kalimutan mo na ang lahat nang namagitan sa atin."

"Pero, Trevor-"

"At huwag na huwag mo nang pababalikin ang Tommy na 'yon sa coffee shop ko, maliwanag ba?"

Tumango-tango ito. Tuluyan na itong naiyak.

"Umuwi ka na, Scarlett," walang emosyong taboy niya rito.

Hindi ito tuminag.

"Huwag mo akong inisin. Umuwi ka na!"

Napabuntong hininga na lamang ang dalaga. Wala itong magawa kundi ang sumunod na lang sa kagustuhan ng amo.