KABANATA 58

"Hindi ka pa nakaayos?" si Mama na nakaharap sa kalan.

Umiling ako kay Mama at nagtungo sa lababo. Simula paggising ko ay masama na ang pakiramdam ko. Naduduwal sa dami ng Mushroom Chicharon na kinain ko.

"Mag-aayos pa lang po ako."

Imbis na bigyan ito ng ngiti ay napaismid ako at niluwa ang laway na mapait pagkatapos ay nagmumog ng tubig.

"Kumain ka na muna. Titingnan ko lang ang Papa mo kung nakaayos na."

Pagkatango ko ay umalis ito agad. Isang beses pa akong nagmumog bago nagpunas sa towel na nakasabit sa gilid ng ref.

Pagharap naman sa mesa ay napapikit ako nang mariin matapos makitang sinangag at itlog ang luto ni Mama.

Ayoko ng sinangag. Mas lalong ayaw ko ng bawang.

Umiling ako at lumayo sa mesa. Tumingin na lang ako ng makakain sa ref. May gatas at tinapay pa naman.

Imbis na sa mesa ay sa counter ng lababo ko iyon linagay. Kumuha na lang ako ng baso upang makapagsalin ng gatas.

Napabuntong hininga ako at n