KABANATA 57

Hindi ko alam kung matatakot ako o hindi. Kanina pa umiikot sa isipan ko ang tanong ni Letlet. Dati naman akong kumakain ng bawang kaya bakit hindi ngayon?

Umawang ang mga labi ko at may ideyang gustong pumasok sa aking isipan ngunit ayaw ko iyong isipin pa! Hindi pwede!

"Wala na pa lang softdrinks sa ref, Ate. Nakalimutan kong kumuha sa grocery kahapon," si Karl na napakamot sa ulo niya.

"Huh?" Liyo ko siyang tiningnan ngunit napatikhim din nang makitang naguguluhan din ito sa akin.

"B-ili na lang tayo sa labas."

Agad akong tumayo at umakyat upang kuhanin ang wallet ko. Pagkababa ay si Karl na ang nakasandal ng upo sa sofa at may hawak ng bowl. Si Letlet ay nakatayo at nakasimangot na nakatingin kay Karl.

"Tayo na lang ang bumili, Letlet," yaya ko sa kanya.

Lumabas ako ng pinto. Agad namang sumunod si Letlet na bumubulong pa.

"Ate, baka ilipat niya 'yong movie!"

"Panoorin na lang natin ulit mamaya. Saan ba tayo bibili?"