KABANATA 7

"Sorry, Ma'am. Religious po ang school namin. Hindi po kasi magandang balita ang umabot sa'min tungkol sa inyo." Tumagilid ang ngiti ng Principal.

I tried my luck at this private school. May kalayuan na sa dating school ko pero umabot pa rin sa kanila. Panglimang school ko na iyon na ni-apply-an. Pare-pareho lang ang reaksyon na binibigay nila. Pare-pareho ang sinasabi.

I don't know how many people have watched my video. O kung gaano na iyon kumalat. Baka hanggang sa probinsya namin ay umabot na rin iyon. May pakpak pa naman ang balita. Ang pagiging kabit nga nakarating sa kanila, iyon pa kaya.

"Ma'am, hindi naman po 'yon basehan para husgahan ang buong pagkatao ko."

Binigyan ko siya ng nangungusap na tingin, umaasang magbabago ang desisyon nito ngunit bumuntong hininga lamang ito.

"I'm really sorry, Miss Israel. Mag-re-reflect pa rin kasi iyon sa image mo