CHAPTER 17

HMH-17

XANDER

Matapos makalabas ng restaurant ay kaagad na hinanap ng kanyang mga mata si Yanna. Kaagad naman niya itong napansin na tila may kausap sa phone habang nakatalikod sa gawi niya. Alam niya na hindi siya nito mapapansin kaya nanatili lamang siya roon na nakatitig sa babae habang abala ito sa pakikipag-usap sa phone na tila nagtatalo pa. Hindi niya ugali na maki-usyoso kaya hinayaan na lamang niya ito at nanatiling tahimik sa likuran.

Mayamaya, sinubukan niya itong kausapin matapos na makitang ibinaba na nito ang phone at tila problemadong hinilot ang sintido. Tila naman hindi nito nagustuhan ang naging paglapit niya kaya sininghalan pa siya. Na-amuse na napatitig siya sa babae. Aaminin niya na cute at hindi ito nakakasawang titigan. Kahit pa nga pulang-pula na ang buong mukha nito sa inis sa kanya.

Matapos ang kanilang sandaling pagtatalo tungkol sa pagbawi nito sa baril nito ay mabilis itong humakbang patawid sa kabilang side ng kalsada para makalayo