TWENTY-THIRD

"WHERE TO?"

Matapos ang inaakala nya kaninang walang katapusan na pagkain ni Jay, sa wakas ay narito na sila sa playing area.

Kapapasok kang nila at bumili na rin siya ng mga token para sa mga ito. Ngayon naman, nagtatanong si Jay kung ano ang lalaruin nila.

Syempre, wala siyang balak maglaro dahil isinama lang naman siya roon, panonoorin nya nalang ang mga ito.

"We will play basketball shooting po, Tito Jay. Sali po kayo?" Tanong ni Tim rito.

Hinampas ni Jay ang sariling dibdib bago iniangat ang noo. "Hindi nyo naitatanong, expert ako dyan!" Buong pagmamalaki na anito bago siya nilingon. "Yang Papa mo, Tim, bata palang kami, bilib na bilib na saakin yan sa pagba-basketball!"

"Talaga po?"

"Oo! Talagang-talaga. Kilala ako since elementary sa buong school namin dahil sa galing ko sa basketball. Ako nagturo dyan sa Papa mo maglaro, halos magmakaawa pa saakin yan noon."

Pumalakpak ang dalawang bata. Bigla tuloy nakita nya ang mga ito bilang bata dahil mukha talagang manghang-mangha ang mg