Chapter 21

Nang hapon ngang iyon ay nag- empake na siya ng kaniyang mga gamit. Ayon kasi kay Mrs. Del Fuego ay maaga daw silang aalis bukas dahil medyo may kalayuan daw ang lugar na pupuntahan nila. Katatapos nga lang niya isilid sa kaniyang bag ang ang ilang piraso niyang mga damit. Mabilis lang din naman siyang natapos sa kaniyang pag- eempake dahil hindi naman ganuon kadami ang gamit niya.

Pagkasara niya ng kaniyang bag ay tyaka naman bumukas ang pinto ng silid niya at pagkatapos ay pumasok doon si Lily. agad siyang napalingon rito ng mga oras na iyon. Umupo naman ito kaagad sa tabi niya.

“Aalis ka pala.” may himig na lungkot ang boses nito.

Napabuntung- hininga siya. Kahit papano ay naging malapit na rin naman sa kaniya ito dahil ito ang naging kakwentuhan niya noong panahong wala siyang makausap sa bahay na iyon. Ito rin ang nagsilbing ate niya sa bahay na yun. Hindi niya rin naman kagustuhan iyon pero kailangan niyang gawin iyon dahil gusto na rin naman niyang makasama ang pamilya at isa p