HARA CHAPTER 20

Maagang gumising si Hara. Madilim pa kaya tiyak na walang makakapansin sa kaniya. Mga katulong pa lang ang gising at naghahanda ng pagkain ang nakakita sa kaniya. Nagbalot ng sarili niyang makakain ang dalaga. Hindi niya ipinakita iyon sa mga takot pa rin sa kaniyang kasambahay.

Lihim niyang kinuha ang kaniyang paboritong kabayo. Walang kaingay-ingay sa paligid dahil na rin sa tulog pa ang karamihan sa mansyon. Kung may mga gising man ay nananatili pa sa kanilang mga silid. 

Walang paalam na umalis ng mansyon si Hara. Ayaw muna niyang magtrabaho kasama si Mia. Hindi niya rin alam kung paano haharapin ngayon si Xandro dahil kagabi pagkatapos niyang umiyak habang yakap nito ay biglang iniwan niya ang lalaki.

Galit rin ang lolo niya at tiyak baka pati ang papa niya ay gano'n din. Gusto niyang takasan pansamantala ang kaniyang paligid. At sa talon lamang siya makakahanap ng kapayapaan sa ngayon.

"Hays, ang gulo n