chapter 3

JESSE

Tulala ako habang nakaupo dito sa loob ng dressing room pagkapasok ko kanina. Pakiramdam ko yung labi ni Regan ay narito pa rin dahil damang-dama ko pa.

"Hoy! Ba't nandito ka?"

Bigla akong natauhan dahil sa malakas na boses ni Shane kasama nito si Rhian ang isa sa mga entertainer rin dito sa Club. Marami na rin itong naging customer, ginagawa niya yun para sa pangangailangan ng anak niya. Single mom kasi siya.

"Ha? Dinaanan ko kayo dito alam kong aabutan ko pa kayo, gusto ko lang mang-treat. Kain tayo doon sa paborito nating kainan." Nakangiting aya ko sa kanila.

"Talaga lang ah? Mukhang malaki ata binigay sa'yo doon noh?" Nakangiting sabi ni, Rhian.

"Hindi naman gaano pero sapat na para malibre ko kayo." Tawang sagot ko at tumawa na rin sila, ibibigay ko agad itong perang buong sa mama ko dahil may pera pa naman ako dito.

Masayang sabay na lumabas kami ni Shane at Rhian nang club, papunta kami ngayon sa kinakainan namin dito banda lang.

"Alam mo Jesse, malamang kung natukso ka na rin sigurado akong maraming pera ang mai-uuwi mo kada gabi. Pero tama naman si Shane sayang ka pa rin kung pagsasawaan ka lang ng mga customer."

Napatingin ako kay Rhian at ganun rin kay Shane, kasalukuyan na kumakain kami ng inorder namin na Tapsilog.

"Nako, Rhian. Huwag mo na demonyuhin pa si Jesse, pagsasayaw lang ang gusto niya. Saka sabi niya naman kapag may gwapo susunggaban niya na agad." Natatawang dag-dag pa ni Shane at nagtawanan silang dalawa pero ako biglang natigilan dahil sa may naalala ko.

I want to f*ck you

Regan...

"Hoy! Ayos ka lang ba?"

"Oo nga bakit natulala ka diyan?"

Napakurap ako ng mata dahil sa tanong nila at umayos ako nang upo.

"Wala may naisip lang ako bigla." Sagot ko at napatango sila.

"Siya nga pala ikuwento mo naman sa amin kung anong nangyari doon sa Club ni Mr. Romulo, balita ko kasi sosyal doon at maraming bigtime na customer." Tanong ni Shane.

"Oo tama ka, maganda nga doon saka mukhang mapepera ang mga nandoon na customer at..."

"At ano?" Takang tanong ni Rhian habang naghihintay rin si Shane sa sasabihin ko.

"At ano, ano ba?" Natatawang sabi ko dahil bigla akong nailang.

"May gwapo ka bang nakilala doon sa club kanina?" Nanlalaki ang matang sabi ni, Shane.

"Oo nga Jesse, may pogi ka bang nakilala doon tapos mayaman pa?"

Natigilan ako at pareho ko silang tiningnan, mabuti pang huwag ko nang sabihin. Sigurado naman ako na hindi na kami ulit magkikita ni Regan isa pa maraming babae diyan hindi siya mag-aaksaya ng oras para sa akin.

"Marami naman pero wala akong nakilala doon, kasi umalis rin ako agad doon." Sagot ko at pinagpatuloy ang pagkain ko.

"Aw, sayang naman kung ganun."

Narinig ko na sabi ni Shane at tahimik na kumain na kami ulit.

____

Dalawang araw na ang lumipas pero hanggang ngayon hindi ko pa rin nakakalimutan si Regan, hindi ko alam kung ano ang gagawin ko para kalimutan siya iba talaga yung dating niya sa akin.

"Jesse kumain ka na ba?"

Napaangat ako ng mukha kay tita na nasa tabi ko na habang nakaupo ako dito kaharap ang pagkain ko.

"May problema ka ba?"

"Ha? Wala po, may iniisip lang po ako." Sagot ko kay tita at napansin ko ang dalawang pinsan ko na mga naka-uniform na.

"Nagpadala ka na ba sa mama mo? Baka wala na siyang gamot."

"Tapos na tita, kain na kayo." aya ko.

"Ate Jesse, papasok na kami." Paalam ni Aston at ganun rin si Erica.

"Sige na mag-iingat kayo." Sagot ko at lumabas na sila ng pinto.

"Hindi pa ako nagugutom, siya nga pala kamusta naman ang pagsasayaw  mo doon?"

Tanong ni tita dahil alam niya kung ano ang trabaho ko pero sinabi ko naman na hindi ako nagpapalabas sa mga customer.

"Ayos lang naman po kahit paano naitatawid nito ang pangangailangan natin sa pang-araw araw at sa gamot ni mama." Nakangiting sagot ko kasi tumutlong rin ako kay tita dahil dito ako nakatira sa kaniya, wala na siyang asawa at hindi na nagbalak mag-asawa pa. Nagtitinda siya sa palingke ng gulay para sa may pangpa-aral sa anak ako naman ay kahit paano ay nag-aabot sa kaniya.

Natigilan naman ako ng may kumakatok at tinatawag ang pangalan ko.

"Jesse, magandang umaga."

Napatayo ako at sinino yung tumatawag sa akin.

"May bisita ka anak si Andrew."

Napasimangot naman ako dahil sa pangalan na sinabi ni mama ang isa sa masugid kong mangliligaw na hanggang sa trabaho ko ay pinupuntahan ako. Tumayo ako at iniwan ko ang pagkain.

"Ang aga mo namang nandito kumain ka na ba ng almusal mo? Kasi ako kakain pa lang." Walang ganang sabi ko, gwapo naman si Andrew at kilala ito sa lugar namin dahil anak ito ng mayor. Pero talagang hindi ko siya magustuhan dahil sobrang yabang at wala siyang apeal sa akin.

"Ayos lang Jesse, kumain ka na muna. Siya nga pala ito para sa'yo."

Napatingin ako sa likod niya dahil kasama na naman niya ang dalawang bodyguard niya. Ito ang may hawak ng mga dala niya para sa akin.

"Ang dami naman nito, pero salamat." Sagot ko at inabot ang mga pagkain at ilang paper bag.

"Ito rin,"

Napatingin ako sa bulaklak na hawak niya ang ganda no'n.

"Salamat din dito, sige maupo ka na muna." Aya ko sa kanya at naupo na siya.

Nakilala ko si Andrew noong panahon na may nilalakad ako sa cityhall namin at siya yung napagtanungan ko. Tapos nagulat na lang ako ng tumawag siya sa akin nakuha raw niya number ko doon sa mga papeles na dala ko. Hindi rin ako makapaniwala na anak siya nang mayor.

"Siya nga pala Jesse, maaari ba kitang bisitihan sa trabaho mo mamayang gabi?"

"Ha? Bakit naman pati sa trabaho ko pupunta ka?" Sagot ko kasi naiirita ako kapag nandoon siya dahil minsan laging nagkakagulo doon dahil nagseselos siya kapag may ibang lalaki na lumalapit sa akin. Feeling boyfriend ko naman siya.

"Gusto ko na ulit makita ang magaling mo na pagsasayaw, lalo ka kasing gumaganda doon at ang ganda pa ng katawan mo."

Hays! Alam ko naman na pinagnanasahan mo lang ako habang nagsasayaw dahil doon mo lang nakikita ang buong katawan ko.

"Bahala ka, pero ako alam mo naman na una pa lang sinabi ko na sa'yo na hindi kita gusto. Ibaling mo na lang sa iba 'yang nararamdaman mo dahil marami pa namang iba diyan." Seryosong wika ko sa kanya.

"Alam ko 'yun Jesse, pero ikaw ang gusto ko. Maghihintay ako hangga't wala ka pang asawa."

Gusto kong mailing dahil sa sinabi niya, pero kung tutuusin swerte ko na sabi ng iba lalo na ang mga kapitbahay naming mga chismosa.

Pagkaalis ni Andrew ay agad akong humiga para matulog dahil antok na antok na ako.

-----------

Kararating ko lang dito sa trabaho at nagsisimula na akong mag-ayos, mga nakahanda na rin ang iba dahil magsisimula na naman ang gabi namin ngayon.

Sana maraming mag tip sa akin para naman may pera ako.

"Jesse tawag ka na." Kalabit sa akin ni Rhian.

Tumango ako at muli kong sinulyapan ang sarili ko. Suot ang dalawang pares na kumikinang at napakasexy ko dito. Namimilog ang dibdib ko dahil push up na bra na suot, ang pangibaba ko naman ay bakat na bakat doon ang pagkababae ko dahil sa nipis na 'yun. Ito lang ang ginagawa ko para matuwa naman ang mga manonood.

Nasa ibabaw na ako nang stage at nagsisimula na akong sumayaw, tahimik ngayon dito. May ilang sipol akong naririnig kapag habang gumigiling ako pababa na dahan-dahan at hinihimas ko ang mga maseselan ko na parte. Napansin ko na narito na si Andrew at titig na titig sa akin habang nagsasayaw ako. Sa pag-ikot ko natigilan ako dahil nakita ko ang taong hanggang ngayon ay hindi nawawaglit sa isipan ko.

Regan?

Nagpatuloy ako sa pagsasayaw dahil biglang umingay dito, hindi nawala sa paningin ko ang paglakad ni Regan papunta sa gitna at pinatayo niya 'yung dalawang lalaki na nakaupo. Hindi ko na masiyadong nagawa nang maayos ang pagsasayaw ko dahil sa presensya ni Regan.

Matapos kong sumayaw nagmamadali akong nagpunta sa dressing room at napaupo ako.

"Jesse, may naghahanap sa'yo bilisan mo."

Narinig ko ang boses ni manager, napatingin ako sa itsura ko at inayos ko pa ulit. Kinuha ko lang blazer ko para ipangtakip kahit paano sa halos hubad ko ng katawan. Ang lakas ng tibok nang puso ko habang papalapit ako doon sa puwesto ni Regan.

Pagkalapit ko doon ay napansin ko ang pagtayo ni Andrew at nilapitan ako agad.

"Jesse,"

Napalingon ako kay Andrew at ganun rin si Regan habang nakaupo lang ito.

"Sino ang lalaki na 'yan? Huwag mo sabihin na nagpapa-table ka na ngayon?"

"Puwede ba, Andrew. Huwag ka ngang magsalita ng ganyan at isa pa huwag ka naman gumawa ng gulo ngayon--"

Natigilan ako ng hatakin ako ni Regan palapit sa kanya na nakatayo na pala ito.

"May problema ba?" kalmadong tanong ni Regan kay Andrew pero nanlaki ang mata ko ng bigla nalang niyang suntukin si Regan.

"Re-Regan!" bigkas ko pero hindi ko inaasahan ang sumunod na nangyari.