CHAPTER 18

"KANINA ka pa tanaw nang tanaw d'yan sa bintana, ha? May inaasahan ka bang bisita na darating?" untag ni Darla nang mapansin na hindi siya mapalagay. Paroo't parito siya sa may bintana ng kanyang silid.

"Hindi ko ba nabanggit sa'yo kagabi na baka pumunta ulit si Dwight dito? Kinakabahan ako, Beshy," tugon niya.

"Hindi ka nga matinong kausap kagabi, e. Basta ang naalala ko lang na sinabi mo ay hindi ka naman sinaktan ni Dwight. 'Yun lang."

"Sinabi ko kasing haharapin ko ngayon si Felicity para sabihin sa kanya ang totoo."

"Hala! Nasisiraan ka na ba? Bakit mo sinabi 'yon? Akala ko ba okay na ang lahat?" nanlaki ang mga mata nito.

"Sinabi ko lang 'yon para tumigil na siya. Alam mo naman na lasing siya kagabi, diba? Isa pa, natakot din ako na baka kung anong gawin ni Dwight sa'kin."

"Dahil sa kagagahan mo, problema tuloy ang inabot mo. Binalaan na kita noon pa man. So hayan, magdusa ka!" umirap ito.

Nanghihinang napaupo siya sa gilid