CHAPTER 17

"BESHY, bumangon ka r'yan at lumabas! Nasa labas si Dwight! Kanina ka pa niya hinahanap!"

Pupungas-pungas na bumangon si Ehra sa higaan nang marinig ang sinabi ni Darla. Nakatulog agad siya pagkauwi ng Mansiyon kanina.

Tumingin siya sa wall clock na nakasabit sa paanan ng kama. Alas-diyes na ng gabi.

"S-Sigurado ka si Dwight 'yun?" kinabahan siya.

"Oo nga! At lasing siya. Buti na lang at napakalma ko siya. Halos gibain na niya kanina ang gate. Diyos ko! 'Eto na nga bang sinasabi ko sa'yo, bruha ka!" tarantang saad nito.

"Anong sabi nina tito at tita?" tumayo siya. Bahagya pa ring may kaba sa dibdib niya.

"Wala naman. Ang sabi ko kasi kaibigan natin. Kaya hindi na sila nag-usisa pa. At buti na lang nasa study room sila kanina nang magsisisigaw si Dwight. Bumaba ka na r'yan at baka kung anong eskandalo pa ang gawin niya sa labas!"

Hindi na niya pinatapos sa pagsasalita si Darla. Nagmamadali siyang lumabas. Halos takbuhin na niya ang maluwa