HT - 23

"M-mommy..." mahinang tawag ko kay Mommy.

Mahigpit ang pagkakahawak ko sa aking straps na bag at isang kamay ko ay hawak ang aking dibdib na tumatambol na nang husto.

"Ma'am! Si Alistair!"

Narinig ko ang sigaw ni ate Jossie pero masyado na akong mahina para lumapit pa sa kanya. Kaya sa ilang hakbang ko papunta sa kanya ay siyang pagbuwal ko sa aking kinatatayuan.

Ang huli kong naalala ay ang mukha ni mommy at ni ate Jossie na nag-aalala sa akin.

Nagising ako sa aking k'warto. Akala ko na naman magigising na naman ako sa puting k'warto na palagi kong nakikita kapag nawawalan ako nang malay-tao.

Napa-upo ako sa aking kama at tinignan ang dingding ng aking k'warto. Hindi ako nakapasok ngayon.

"Princess..."

Nawala ang atensyon ko sa dingding ng marinig ko ang boses ni mommy. Nakita ko siyang nakatayo roon sa pintuan habang may hawak na tray.

"Gising na pala ang princess namin. Anong nararamdaman mo, Ali?" pag-aalalang tanong niya sa akin