Part 3

“Pumunta ka dito ng ganitong oras bukas. May ibibigay ako sa iyo at para sa kapatid mo.”

          Paulit-ulit na naririnig pa din ni Naila ang mga salitang iyon. Iyon ang huling sinabi ni Ashton sa teenager bago ito tumakbo papalayo kahapon.

          Pero bakit siya ang naghihintay doon kung saan niya unang nakita ang mga ito? Na sa tapat niyon ay ang kumpanya kung saan siya nagtatrabaho. Kaya nakatayo siya mismo sa tapat ng harap ng building nila. Na sag awing unahan naman ay ang restaurant kung saan na naman niya nakita ito at nakita siyang nakikipag-date. Parang kahihiyan yata ang inabot niya. He just caught her lying.

          Bakit nga ba? Tumingin siya sa orasan ng cellphone niya. Fifteen minutes before eight pa naman so may oras pa. Ayaw naman niyang pumasok ng masyadong maaga. At saka, curious lang naman siya kung tutuparin ba nito ang sinabi nito sa teenager. Iyon lang naman!

          But she couldn’t understand herself since yesterday. Kahit busy siya sa trabaho kahapon ay madalas na sumusulpot ito sa isipan niya. Katulad ngayon, hindi niya maintindihan ang sarili. She knew that even just a little excitement of seeing him makes her heart flustered.

          Alam din niyang masaya siya ng makita ito kagabi sa restaurant pero ayaw niyang nakita siya nito na may ka-date o sa ganoong sitwasyon. O sa ganoong estado, hindi siya kumportable. Kailan ka pa naconscious dahil sa lalaki? Tanong naman ng kabilang isip niya.

          Napatuwid siya ng tayo ng makita si Mr. Ivan Javier, ang presidente ng kumpanya na pinagtatrabauhan niya. Napakarespetado ng pananamit nito. He was wearing a black suit that matched his looks and height. “Good morning, Sir.” Bati niya dito ng makitang dadaan ito sa harap niya.

          “Good morning. Have a nice day.” Abot hanggang tenga yata ang ngiti nito.

          “Yes, Sir.” Napakafriendly talaga nito. At take note, at the age of thirty ay hinawakan na nito ang kumpanya ng pamilya nito na naging lalo pang successful dahil sa galing nitong magpatakbo. Bukod sa matalino at napakabata pa nito ay napakagwapo din nito. Napakaswerte ng magiging jowa nito. Bukod sa secured na ang future ng magiging asawa nito ay total package pa ito dahil lahat ng hahanapin ng isang babae sa isang lalaki ay nandoon na sa presidente nila. Kaya nga halos lahat ng single ladies sa kumpanya ay gustong pikutin ito. Minsan ay pati mga taken na din.

          Pero never niyang gagawing prospect ito dahil bukod sa posibilidad na mawalan siya ng trabaho ay alam niyang never siyang magugustuhan nito. She is nothing compared to those ladies he associates with. At saka, hindi na nito kailangang makipagchat para magkagirlfriend. Although may mga pagkakataon na minsan ay nahuhuli niya itong nakatingin sa kanya. Bibigyan pa ba niya ng kahulugan iyon. Boss ito at siguradong babantayan talaga nito ang mga pinapasweldo nito.

          Katulad ngayon ay nakita niya itong tumingin muna sa kanya bago ito tuluyang nawala sa paningin niya.

Agad naman siyang pumasok sa opisina dahil mukhang wala namang Ashton ang magpapakita pa doon. Ang ibig kong sabihin ay baka ma-late na ako!