Chapter 8

Hindi inaasahang mensahe ang aking natanggap mula sa hindi rin inaasahang tao.

Ice...

Nakasaad sa mensahe niya ang pangangamusta at tanong kung bakit ako umalis at kung nasaan ako sapagkat hinahanap daw ako ni Kuya Sandro sa kaniya. Alam ko na ang mensheng 'yon ay hindi direktang para sa pag-aalala niya sa akin ngunit magkaganoon man ay nakaramdam ako ng saya.

Nakangiti akong nagising nang maalala ko ang mensahe ni Ice sa akin kagabi. Para akong dinuduyan sa alapaap dahil sa tuwang nararamdaman. Kagaya ng mga nagaganap sa araw-araw namin ay ganito pa rin ang nangyayari ngayon.

Mabilis na lumipas ang mga araw. Natapos ko nang inumin ang gamot na ibinigay ni doc noong nalaman kong buntis ako at ngaypon naging maayos na ang pakiramdam ko. Hindi na ako nasusuka kaya't nagdesisyon akong maghanap na rin ng trabaho rito dahil gagastos din naman ako para sa pang-araw-araw namin sa bahay at may monthly check-up din ako at hindi sapat ang ipon ko para sa panggastos na 'yon.

"Nay, aalis na p