CHAPTER 45

tw: d**th//s**cide

CHAPTER 45

ZHEN PIN

"Niangniang!" Sigaw ni Ying Gugu. "May sunog raw po sa palasyo ni Qiu Fei!"

Napatayo ako. "Kumusta si Qiu Fei at ang prinsesa?"

"Ligtas si Qiu Fei, Niangniang," tugon nito. "Ngunit iba na raw ang kulay ng prinsesa nang nailabas ito. Dinala raw ang prinsesa sa Yikungong para gamutin."

"Pupunta tayo sa Yikungong."

"Masusunod, Niangniang," parehong tugon ni Yue at Ying Gugu.

Madali kaming nagtungo sa Yikungong. Ngunit nang makarating, 'di na kami hinayaan pang pumasok ng mga tagapaglingkod. Sinabihan kaming maghintay na lang sa magiging balita.

"Yue," pagtawag ko. "May balita ka na ba kung anong nangyari kay Qiu Gui Ren?"

"Magtatanong po ako ngayon kung gusto n'yo."

"Magmadali ka."

"Opo."

"Niangniang, kumalma ka lang," wika naman ni Ying Gugu. Hinawakan niya ang mga kamay ko. "Magiging maayos lang ang prinsesa. Magtiwala tayo sa mga doktor. Nasa loob ang emperor, 'di nila siya bibiguin."

Tumango ako. "Sana nga, Gugu."

"Jiejie!" Rinig kong tawag sa'k