Kabanata 21

Kabanata 21

Midnight

"S-SHAINA. Wait lang. K-Kumalma ka. Nasaan ka muna?" Kahit nagp-panict na ako para sa kalagayan niya, nagawa ko pa rin itanong iyon.

Humigpit ang kapit ng katabi ko sa bewang ko. Tumaas ang tingin ko sa mukha ni Tyson. Nagt-tanong ang kanyang mga mata sa akin kung anong nangyayari. Hindi ko siya sinagot at sinenyasan muna na maghintay.

Tuloy pa rin sa paghagulgol at pag-iyak si Shaina sa kabilang linya kaya ang pag-aalala ko ay mas lalo lang nadagdagan.

"S-Shaina! Sumagot ka. Nasaan ka!" Kuwari'y galit ko nang sabi para magawa kong matukoy kung saan nang-gagaling ang maingay na tugtugin sa kabilang linya. May hinuha na ako sa sarili ko kung saan iyon dahil pamilyar sa akin ang tunog at ingay. Hindi ko lang kino-conclude dahil gusto ko mismo mang-galing kay Shaina kung nasaan siya.

Suminghot muna ang kaibigan bago sumagot. "S-Sa Lights. D-Dito sa BGC."

Hindi ko maiwasan ang malakas na mapa-singhap ng tama nga ang hinala ko! Ang Lights na tinutukoy niya ay bar!